'Egunkaria' auzia: Eta orain, zer?
Auzitegi Nazionalak absolbitu egin ditu astelehen honetan Euskaldunon Egunkaria auziko bost auzipetuak, kazeta itxi zutenetik zazpi urtera. Gainera, epaiak dio egunkaria ixtea Konstituzioaren aurkakoa izan zela, eta uneoro oso gogorra da Juan del Olmo instrukzioa egin zuen epailearekin, Guardia Zibilarekin eta herri akusazioa gauzatu duten AVT eta Dignidad y Justicia elkarteekin.
Nolanahi ere, epaia ez da prozesuaren amaiera. "Partida ez da amaitu, bigarren zatia geratzen da", Martxelo Otamendi Egunkaria-ko zuzendari ohi eta Berria-ko gaur egungo zuzendariak atzo Euskadi Irratian gogorarazi zuenez.
Javier Gomez Bermudez presidente duen epaimahaiak ezarri du Otamendik, Iñaki Uriak, Joan Mari Torrealdaik, Txema Auzmendik eta Xabier Oleagak ez dutela "lotura txikiena ere" ETArekin, eta akusazioak "oinarrigabeak" eta "ulertezinak" zirela. Dena dela, AVT eta DyJ Auzitegi Gorenean helegitea aurkeztea aztertzen ari dira.
Bien bitartean, euskal alderdiek eta hainbat sektoretako ordezkariek kalte-ordainak eskatzeko deia egin diete absolbituei. Dignidad y Justiciaren ustez, baliteke Estatuak 60 milioi euro eman behar izatea.
Hala eta guztiz ere, Otamendik, Uriak, Torrealdaik, Auzmendik eta Oleagak behin betiko absolbituak izan arte itxarongo dute, kalte-ordainak eskatzea aztertzeko. Hori bai, Egunkaria-ri egindako kaltea "oso handia" izan dela esan zuten atzo.
Auzi ekonomikoa, epaitzeke
Auzi nagusiaren epaia emanda badago ere, auzi ekonomikoa oraindik epaitzeke dago, eta oraingoz ez dauka ezta data ere.
Sumario horretan zortzi pertsona daude auzipetuta, kontuak faltsutzea eta Ogasunari iruzur egitea egotzita.
Hain zuzen ere, Joan Mari Torrealdai, Iñaki Uria, Txema Auzmendi, Joxe Mari Sors, Ainhoa Albisu, Mikel Sorozabal, Begoña Zubelzu eta Fernando Furundarena daude auzibidean.
Hamahiru eta 26 urte arteko espetxe zigorrak eta 21 eta 33 milioi euro arteko isunak eskatzen dituzte haientzat.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.