Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Victor de Aldama, Jose Luis Abalos eta Koldo Garcia, gaur, Auzitegi Gorenean. Argazkia: Europa Press
Victor Abalos, Jose Luis Abalos ministro ohiaren semeak ukatu egin du aitaren ondare eta diruaren zaindari lanak egin izana, eta adierazi du aitari emandako diru guztia haren diru-sarreratik izan dela, "aitaren poltsikoa oso estu" zegoelako, haren hitzetan.
Gaur hasi da garraio ministro ohiaren, haren aholkulari Koldo Garciaren eta Victor Aldamaren aurkako epaiketa. Pandemiaren okerrenean, musukoak erosteko lehiaketa publikoen bidez eskupekoak kobratzea leporatuta, 24 urte arteko kartzela zigorrak eskatu ditu fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Jose Luis Abalosen semea, Victor Abalos, izan da lehena deklaratzen, eta aitortu du aitari 20.000 euro inguru maileguan eman izana, baina ziurtatu du aitari emandako diru guztia haren diru-sarreratik atera dela. Hala, ukatu egin du dirua Kolonbian kokatutako enpresa batetik etorri izana.
Era berean, onartu du Koldo Garciaren bikotekideak administratzen zuen enpresa baten zerbitzuak kontratatu zituela, baina zehaztu du harreman horrek "oso gutxi" iraun zuela; "bi hilabete".
Kafeari buruzko aipamenak "Kolonbiara egiten dituen etengabeko bidaiengatik" direla esan du. "Ez dago enkriptatutako hitzik, ez baitut horretarako ohiturarik, eta ez baitakit klabean hitz egiten", zehaztu du.
Epaiketak luze jotzea espero da: hiru akusatuek apirilaren 28an deklaratuko dute, eta, oraingoz, senideak hasi dira lekukotza ematen.
Abalosen bikotekide ohia: "Etxeak begiratzeko esan zidan, eta nahi nuena aukeratzeko"
Lekuko gisa deklaratu du, baita ere, Jessica Rodriguez Jose Luis Abalosen bikotekide ohiak. Kontatu du Garraio ministro izandakoak Madrilen etxebizitza bat "aukeratzeko" esan ziola. "Etxeak begiratzeko esan zidan, eta nahi nuena aukeratzeko". Horrela alokatu zuten Espainia Plazako pisua.
Aurretik, unibertsitateko bi lagunekin partekatzen zuela etxea azaldu du, eta Abalosekin bakarrik egoteko tokirik ez zuela, "ia egunero" elkartzen baziren ere. "Ez geneukan non elkartu. Orduan, esan zidan jada 30 urte banituela, eta bazela ordua nik neure etxea izateko, inorekin partekatu gabe".
Halaber, aitortu du Abalosek hainbat opari egin zizkiola, tartean, telefono mugikor bat eta unibertsitateko matrikula. Dirua ere ematen omen zion eskura.
Koldoren anaia "bi aldiz" joan zen Ferrazera, "gutun-azalen bila"
Bere aldetik, Joseba Garciak, Koldo Garciaren anaiak, esan du "bi aldiz" joan zela PSOEren egoitza nagusira, Ferrazera, diruz betetako gutun-azalak jasotzera. Horrez gain, behin Dominikar Errepublikara ere bidaiatu zuela azaldu du, Aldamarentzat hainbat dokumentu jasotzera.
"Bi aldiz bakarrik egon naiz Ferrazen, bietan gutun-azalak jasotzeko. Ez naiz gehiago itzuli", erantzun du, bere abokatuak egindako galderei erantzunez.
Akusazioen galderei ez die erantzun, Auzitegi Nazionalean beste auzi batean ikertua izaten ari dela argudiatuta.
Zure interesekoa izan daiteke
Albiste izango dira: abisu horia beroagatik, istiluak Loiun eta AEB-Iran akordioa gertuago
Gaurkoan Orain-en albiste izango direnen laburpena, bi hitzetan.
Otxandianok Zupiriari: "Erantzukizunak onartzeak berekin ekarri beharko luke presazko neurriak hartzea"
EH Bilduren bozeramaileak uste du Zupiriak dagokiona egin duela "erantzukizunak bere gain hartzean" baina polizia ereduarekin "arazo larria dagoela" ere ohartarazi du, eta laster ekarpen berri bat egingo dutela iragarri du.
San Kristobal hilerrian ehortzitako presoak izan dituzte gogoan Ezkabako ihesaldiaren omenaldian
Aurten ere, frankismoan bertatik igaro ziren 6.000 presoak oroitu dituzte. Kartzela izan zen San Kristobal, eta inguru horretan 131 gorpu lurperatu zituzten, "Botilen kanposantua" deiturikoan. Omenaldian, lore eskaintzan egin diete presoei.
Estebanek legegintzaldiaren amaierari buruz duen ideia "errespetatzen" duen arren ez duela bat egiten erantzun du Moncloak
Espainiako Gobernuko iturriek berretsi dute Sanchezek legegintzaldia 2027ko udara arte agortzeko asmoa duela. Gainera, azken orduetan kaleratutako txostenek "Zapatero presidente ohiak egindako delituaren froga edo zantzurik ez dagoela" egiaztatzen dutela defendatu dute.
Delinkuentzia Ekonomiko eta Fiskaleko Unitateak Zapatero eta horren alabak jo ditu Plus Ultra sareko onuradun nagusi
Auziaren inguruko bigarren txostena zabaldu du UDEFek. Horrekin lotuta, ekainaren 2an deklaratuko du epailearen aurrean Espainiako Gobernuko presidente ohiak, ikertu gisa.
Euskadi egunero eraiki eta defendatzeko konpromisoa hartu du EAJk
Hurrengo udal eta foru hauteskundeetarako urtebete falta denean, lehendakariak euskal herritar guztien “eskubide historikoak” gogorarazi eta balioetsi ditu, eta enegarren aldiz eskatu du Gernikako Estatutua osorik betetzeko.
Estebanek legegintzaldia aurten amaitzeko eskatu dio Sanchezi, jarraitzea "arduragabekeria" litzatekeela iritzita
EBBko presidenteak gogorarazi du dagoeneko bederatzi “eskandalu judizial” irekita daudela Espainiako Gobernuaren inguruan. Horren iritziz, “erabat kaltegarriak dira politikaren eta gobernuaren egonkortasunaren irudiarentzat".
Zupiriak gaitzetsi egin ditu Flotillako ekintzaileak Loiura heldutakoan izandako istiluak eta "probokazioak"
Eusko Jaurlaritzako Segurtasun sailburua kezkatuta agertu da atzoko gertakariekin Ertzaintzaren irudia zikindu daitekeelako, are gehiago Palestinako gatazkarekin eta Israelen genozidioaren salaketekin lotzen direlako.
Zupiriak bere gain hartu du Loiun gertatutakoaren ardura, eta sentitzen duela esan du
Segurtasun sailburuak adierazi du ez zuela gertatu behar, dena hitz eginda zegoelako. “Zailtasunak” onartu ditu horrelakoak “modu baketsuan” konpontzeko, eta Ertzaintzaren eta han bildutakoen jokabidea zuzena izan zen aztertuko dutela gaineratu du.
Indarraren erabileran "iparorratz morala beti eskuan" izatea eskatu zien ostiralean Pradalesek Ertzaintzako kide berriei
Indarraren erabileraz hitz egin zuen, hain zuzen ere, Pradales lehendakarik Arkauten, Ertzaintzaren promozio berriko diplomen banaketan. "Erantzukizuna eta exijentzia etikoa" eskatu zizkien indarraren erabileran; euskal gizartearekin duten konpromisoa dela eta.