CGPJ bilduta, Garzon kargutik kendu ala ez erabakitzeko
Botere Judizialaren Kontseilu Nagusiak (CGPJ) ez-ohiko bilera egiten ari da, Baltasar Garzon behin-behinean kargutik kentzea ala ez erabakitzeko; izan ere, Auzitegi Gorenak aste honetan ahozko epaiketa ireki du Auzitegi Nazionaleko epailearen aurka, frankismoko krimenak ikertzen saiatzeagatik.
11:00etatik abian dagoen bilera hori CGPJko zazpi bokal hauek behartu dute: Pio Aguirre, Manuel Almenar, Miguel Collado, Antonio Dorado, Claro Jose Fernandez, Gema Gallego eta Antonio Montserrat. Alderdi Popularrak proposatutakoak dira guztiak, sektore kontserbadorea deitutakoa osatzen dutenak.
Antonio Dorado bokalaren iritzian, irtenbide bakarra Garzon aldi baterako kargutik kentzea da. Frankismoko krimenak ikertzen saiatzeagatik jarritako kereilaz gain, Garzonek beste bi auzi irekita dituela ekarri du gogora: New Yorkeko Unibertsitatean ikastaro batzuk emateagatik jaso zuen diruagatik eta 'Gurtel' auziko inputatu nagusiek kartzelan izan zituzten komunikazioak interbenitzea agintzeagatik.
Alabaina, beste iturri batzuen arabera, ezin daiteke baztertu azkenean Garzon kargutik ez kentzea erabakitzea, izan ere, epaile batzuk begi onez hartu dute epaileak Hagako Auzitegira joateko eskaera egin izana eta horrela bere kontrako auziak argitu bitartean "albo batera" egin izana.
Garzonen abokatuak epaiketa bertan behera uztea eskatu du
Bestalde, Baltasar Garzon epailearen abokatuak, Gonzalo Martinez-Fresnedak, idatzi bat aurkeztu du Auzitegi Gorenean Garzonen aurkako ahozko epaiketa baliorik gabe uztea eskatzeko.
Idatzi horren arabera, Garzonen aurkako epaiketa hasteko autoa ez da zuzenena, izan ere, fiskalak edo akusazio partikularrak eskatzen dutenean bakarrik hasi daitezke ahozko epaiketak.
Abokatuak argudiatu duenez, epaiketa hastea Manos Limpias sindikatu ultraeskuindarrak eta Libertad e Identidad elkarteak eskatu dute, herri-akusazioek, hain zuzen ere. Gainera, Luciano Varela instrukzio epaileak "bideratuta" egin dutela kritikatu du.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.