Biografia: Gerry Adams, desarmean lagundu zuen IRAko kidea
Gerry Adams 1948. urtean jaio zen Belfasten, Irlandar Armada Errepublikarrarekin harreman estua zuen familia batean. Oso gaztea zela, ibilbide politikoari ekin zion eta erantzukizun handiko karguak hartu zituen Irlandar Armada Errepublikarrean (IRA). Erresuma Batuan eta Irlandan garai hartan izandako atentatu batzuk leporatu zizkioten Adamsi baina berak akusazio guztiak ukatu ditu beti. Zenbaitetan espetxeratu zuten eta beste hainbat alditan kartzelatik atera zuten esaterako 1972. urtean, IRAren eta Gobernuaren arteko bakerako elkarrizketetan parte hartzeko.
1978. urtean Sinn Fein Ipar Irlandako alderdi errepublikar ezkertiarreko presidenteorde bihurtu zen eta 80ko hamarkadan, hauteskundeetara aurkeztu eta aulki bat lortu zuen Erresuma Batuko Parlamentuan (inoiz hartu ez duen aulkia). Errepublikarrek Parlamentuan lortutako ordezkaritzak protestanteak amorratu zituen. Horrela, Ulster Defendatzeko Elkartea Adams hiltzen saiatu zen.
Sinn Fein alderdiaren arrakastei esker, IRAk su-etena iragarri zuen 1944ean. Hala ere, John Majorren Gobernuak unionisten bozekiko zuen menpekotasunak aurrerapausoak atzeratu zituen eta honen ondorioz, IRAk bertan behera utzi zuen su-etena.
Geroago, beste su-eten bat lortu zuten, besteak beste, Erresuma Batuko eta Irlandako Gobernuen, Sinn Feinen eta Ulsterreko Alderdi Unionistaren arteko bilerak egin ostean. Bake giro honek 1998ko apirilean Belfasteko Akordio historikoa sinatu arte iraun zuen.
Ika-mika handia sortu duen figura da Gerry Adamsena. Batzuk, gorrotatzen dute eta besteek, berriz, maitatu. Adamsi esker, Ipar Irlandako mugimendu errepublikarra Westminsterrera iritsi zen. Belfasteko Akordioa sinatzean, Adamsen aurkariek "saldu" izana egotzi zioten. Adamsen esanetan, ordea, akordio honek bide konstituzionalak eta baketsuak jorratuta Irlanda batua lortzeko mekanismoak eskainiko zituen, hala izan zen bezala.
Zure interesekoa izan daiteke
Rosa Zarra omentzeko plaka jarri du Donostiako Udalak, gomazko pilota batek hildakoaren omenez
Dagoeneko 37 plaka jarri ditu Udalak, "espazio publikoan ikusgarritasuna emateko hirian bizia galdu zuten terrorismoaren eta motibazio politikoko indarkeriaren biktimei".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Bestalde, EH Bilduk eta Sumarrek "koherentzia" eskatu diete, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.