Jesus Lozak bilera pribatua egin du ETAren biktimekin Madrilen
Jesus Loza Bizikidetzarako eta Memoriarako ordezkari izendatu zuen Patxi Lopez lehendakariak. Gaur Madrilen izan da, ETAren biktimek osatutako elkarte ezberdinekin bilera pribatu bat egiteko, Jaurlaritzak Espainiako Hiriburuan duen ordezkaritzak jakitera eman duenez.
Bilera goizean egin dute, pribatua izan da eta ez dituzte komunikabideak gonbidatu.
Nolanahi ere, batzar horretan ez dira elkarte guztiak izan: AVT elkarteak uko egin dio hitzordu horretan parte hartzeari, "Lozari hizketakide zilegitasuna ez emateko", azpimarratu dio Angeles Pedrazak Europar Press agentziari.
"ETAren amaiera kudeatzeko zilegitasuna Estatuko segurtasun indarrei eta Espainiako Gobernuari soilik ematen diegu", esan du AVTko presidenteak.
Joan den martxoan kargua hartu zuenean, Jesus Lozak jakinarazi zuen Barne Ministerioarekin biltzeko asmoa zuela, gaixotasun larriak dituzten ETAko presoen inguruko txostena aurkezteko.
Biktimen eskera
ETAren desegiteaz gehiago eta presoen inguruan gutxiago hitz egiteko eskatu diote lehendakariari biktimek.
Maite Pagazaurtundua Terrorismoaren Biktimen Fundazioko presidentea, Daniel Portero "Dignidad y Justicia" elkarteko presidentea, Carmen Alvarez Terrorismoaren aurkako ahotsen presidenteordea eta Maria del Mar Blanco Miguel Angel Blanco Terrorismoaren Biktimen Fundazioko presidentea egon dira, besteak bete.
Lehendakariari "ETAko presoak Euskadira hurbiltzea lehentasuna ez izatea" helarazteko eskatu diote biktimek, bileraren ostean Porterok azaldu duenez.
"Lehendakariak bere jarrera aldatu behar du, ETAri desegiteko eskatu eta presoak hurbiltzearen inguruan gutxiago hitz egin", esan du Porterok. Bestalde, 1968 eta 1978 urteen artean poliziaren jazarpena jasan zutenak biktima gisa onartzeko Jaurlaritza prestatzen ari den dekretuaren inguruan, Lozak berretsi die ez dela bertan ETAko kiderik egongo.
Zure interesekoa izan daiteke
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
“Indarkeriak ez duela lekurik” gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.