'Biktimak-presoak bileren helburua arriskuan jartzen ari dira'
Biktimen Arretarako Eusko Jaurlaritzaren Bulegoak ohartarazi du azken asteotan ETAko presoen eta biktimen arteko bilerek izan duten oihartzun mediatikoak batzar horien benetako helburua arriskuan jartzen duela.
Txema Urkijo eta Jaime Arrese Biktimen Bulegoko aholkulariek, Xabier Etxebarria topaketa horien koordinatzaileak eta Iñaki Garcia Arrizabalaga batzar horietan parte hartu duen biktimak gutuna igorri dute El Pais egunkarira, "gizarteratze plan berriak dituen arriskuez ohartaraztea ezinbestekoa delako"; eta gogora ekarri dute eurak direla gisa horretako bilerak antolatzen hasi ziren lehendabizikoak.
Alabaina, "ETA utzi duten presoen eta euren biktimen arteko bilerak arriskuan egongo dira, produktu mediatiko bihurtu eta batzar horien helburu pedagogiko eta sozialaren gainetik morboa ezartzen bada", ohartarazi dute.
Horrez gain, topaketa horiek egiteko prozedura zein den azpimarratu dute: "Elkarrizketa horiek biktimak nahi badu egingo dira, baina bilera egin aurretik presoarekin egin behar da lanketa eta presoa batzar hori egiteko prestatuta dagoenean biktimari harekin biltzeko aukera eskaini behar zaio, baino ez lehenago, aukera zapuzten bada biktima aterako baita kaltetuta".
Ildo horretan, akats larritzat jo dute elkarrizketa horiek bitartekari profesionalen laguntza barik egitea. "Biktima bat espetxe batera joan eta preso batekin profesional baten babesik gabe elkartzen bada, arriskuak neurtezinak dira", nabarmendu dute.
Consuelo Ordoñez-Valentin Lasarte bilera
Gauzak horrela, bilera hauen inguruko hausnarketa eskatu dute eta ostiral honetan Consuelo Ordoñezek Valentin Lasarterekin izango duen batzarra gogor kritikatu dute; izan ere, Gregorio Ordoñez PPko zinegotzi izandakoaren arrebak dagoeneko argi adierazi du ez duela elkarrizketa hauen helburuetan sinesten.
"Biktima horrek behin baino gehiagotan esan du iniziatiba hau desegitea dela bere asmoa eta, ondorioz, ez dugu emaitza onik espero bilera horretatik", erantsi dute.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.