Osakidetza: 'Uribetxebarriaren osasun-egoerak ez du atzera bueltarik'
Donostia Ospitalak Iosu Uribetxebarria ETAko presoaren osasun egoerak "atzera bueltarik ez" duela jakinarazi dio Espetxeen Agintetzari.
Osakitzeak komunikatu bat atera du "gaur arte egindako probek gaixoaren egoerak atzera bueltarik ez duela esaten dutela" adierazteko.
"Presoaren familiak eta Espetxeetako Afintaritzak egoeraren berri dute", esaten du komunikatuak. Arrasateko presoaren egoerari dagokionez, "egonkorra" dela dio Osakidetzak.
Iosu Uribetxebarriak giltzurruneko minbizia du eta bederatzi egun daramatza gose-greban aske utzi dezaten eskatzeko.
Fiskaltzak informazio gehiago nahi du
Auzitegi Nazionaleko fiskaltzak epaitegiko medikuen txostena eskatu du Uribetxebarriaren minbizia kartzelako osasun-zerbitzuetan artatu daitekeen ala ez jakiteko.
Jesus Alonso fiskalak idatzia bidali dio Jose Luis Castro epaileari hori adierazteko. Castro da Uribetxebarria askatzea ala ez erabaki behar duena. Fiskalak ere beste txosten bat eskatzen dio kartzelari presoa jasotzen ari den tratamenduaren inguruan.
Fiskalak ere presoaren gaixotasunaren inguruko informazioa eskatu du, "mediku kostuen aldetik", baita tratamenduaren epe eta leku egokiaren ingurukoa ere.
Aresek "instrumentalizazioa" salatu du
Rodolfo Ares Herrizaingo sailburuak uste du Josu Uribetxebarria (Donostiako ospitalean, minbiziak jota, gose greban dagoen presoa) aska egin dezaketela, eta gogor kritikatu du ezker abertzalea, hori gertatzen bada "garaipen gisa" aurkeztuko duelako auzia.
Aresek Radio Euskadin egindako elkarrizketa batean azaldu duenez, ziur dago legea beteko dutela presoaren kasuan.
541 preso Uribetxebarriaren alde
Espainiako eta Frantziako kartzeletan dauden 541 preso hainbat protesta-ekintza egiten ari dira, "gehienak" mugagabeko gose-grebak, Iosu Uribetxebarriaren egoera salatu eta askatzea eskatzeko, Etxeraten arabera.
Gose-grebez gain, presoak itxialdiak egiten ari dira, kartzelako janariari uko egiten diote, elkarretaratzeak antolatu, Ministerioari eta Espetxeen agintetzari gutunak bidali edota txandakako baraualdiak egin.
Manifestazioa, larunbatean
Herrirak manifestazioa deitu du larunbaterako Bilbon Iosu Uribetxebarriaren egoera "berriro errepika ez dadin".
Martxa Euskalduna Jauregitik aterako da, 12:30etan, 'Giza eskubide guztiak, euskal presoak Euskal Herrira' lelopean.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.