Uribetxebarria auziko hurrengo mugimenduak
Fiskaltzak aurkeztutako apelazio-helegiteak galarazi egin du Josu Uribetxebarria ETAko presoa aske geratzea.
Jose Luis Castro Espetxeratuen Zaintzako epaileak baldintzapeko askatasuna ezarri zion ostegunean, presoak "gaixotasun larria eta sendaezina" duela eta bizi-itxaropena "6-12 hilabetekoa" dela argudiatuta. Aldez aurretik, Gobernuak hirugarren gradua eman zion.
Fiskaltzak helegitea Zigor Aretoko osoko bilkurak ebaztea eskatu du, "ahobatezko irizpide juridikoak" ezartzeko. Izan ere, auziak beste hainbatetan eragina izan lezakeela argudiatu du.
Nolanahi ere, Fernando Grande-Marlaska Zigor Aretoko epaileak errefusatu egin du helegitea osoko bilkurara bideratzea, epaile gehienek hala eskatu ezean.
Apirilaren 16an karguaren zina egin zuenean, osoko bilkurara ez zuela "ezer" bideratuko aurreratu zuen. Botere Judizialaren Lege Organikoaren arabera, Zigor Arloko presidenteak eta areto horretako kide gehienek baino ezin dute agindu auzi bat osoko bilkurara bideratzea.
Kasu honetan, osoko bilkura 18 epailek osatuko lukete (guztira 19 dira, baina bat oporretan dago). Horrenbestez, 18 epaile horietako 10ek eskatuko balute baino ez luke osoko bilkurak aztertuko helegitea.
Halakorik gertatzen ez bada, Zigor Arloko lehen sekzioak aztertuko du, espetxeratuen zaintzako eskuduntzak dituena baita.
Sekzio hori Fernando Grande-Marlaska presidenteak eta Manuela Fernandez Prado, Javier Martinez Lazaro, Ramon Saez Valcarcel eta Nicolas Poveda Peña epaileek osatzen dute.
Helegitea osoko bilkurak edo lehen sekzioak aztertu, ez dago epe mugarik gaiari heltzeko. Beraz, ez dago argi noiz ezagutuko den azken erabakia.
Uribetxebarria Castro epailearen autoa irmo bihurtzen bada baino ez da aterako espetxetik.
Zure interesekoa izan daiteke
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.