Urtebete, ETAren iragarpenaren atarian eginiko Aieteko Adierazpenak
Urtea bete du gaur ETAren iragarpenaren aurreko izan zen Aieteko Adierazpenak.
Konferentziak Kofi Annan buru zuen nazioarteko ordezkari talde batek bost puntuko adierazpena plazaratu zuen, euskal gizarteko alderdi eta eragile nagusien babesarekin.
Lehenengo puntuan ETAri indarkeria uzteko eskatu zioten. Adierazpena argitaratu eta hiru egunera etorri zen ETAren erantzuna, indarkeria uzteko erabakia hartua zuela iragarri baitzuen.
Hori da, oraingoz, bost puntuetatik bete den bakarra.
Lehenengo puntu hori gauzatuz gero, deia egiten zioten Espainia eta Frantziako gobernuei, ondorio buruz ETArekin hitz egiteko deia egiten zieten.
Beste hiru puntuetan biktima guztien aitortza, berradiskidetzea eta elkarrizketa politikoa iradokitzen ziren.
Nazioarteko adituen lana eta parte-hartzaileak
50 urteko indarkeria amaitu eta behin betiko bakea lortzea posible zela sinistuta etorri ziren Donostiara Aiteko Bake Konferentzian parte hartu zuten nazioarteko sei izen ezagunek. Bertie Ahern Irlandako lehen ministro ohiarekin batera, Ipar Irlandan aktore nagusi izan ziren SIN FEINeko Gerry Adams eta Tony Blairen aholkulari izandako Jonathan Powell, Kofi Annan Nazio Batuen erakundeko idazkari nagusi ohia, Pierre Jose Frantziako Barne ministro ohia eta Gro-Harlem Bruntland Norvegiako lehen ministro ohia.
Denen izenean adostutako adierazpenak zioenez, ez ziren etorri gauzak nola egin esatera, hainbat gatazketan izandako esperientziatik abiatuta, ekarpena egitera baizik.
2011ko urriaren 17an, konferentzian parte hartu zuten 50 bat eragilerekin elkartu ziren. PP eta UPyD izan ezik, gainerako euskal alderdi politiko guztiek parte hartu zuten. Lau sindikatu nagusiak (ELA, LAB, UGT eta CC. OO.), patronala, eliza eta beste hainbat gizarte talde ere joan ziren.
Espainiako Gobernuak ez zuen parte hartu, ezta Jaurlaritzak ere, PSE-EEren ordezkariak Aieten izan ziren arren.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.