Maixabel Lasak utzi egingo du Terrorismoaren Biktimen zuzendaritza
Maixabel Lasak (Legorreta, 1951) 11 urte eman ditu Terrorismoaren Biktimei Laguntzeko zuzendari karguan, Eusko Jaurlaritzak 2001. urtean sortu zuenetik, hain zuzen ere. Harrezkero, kolore ezberdinetako bi gobernurekin izan da: Juan Jose Ibarretxe jeltzalearekin lehenengo (2001-2009), eta Patxi Lopez sozialistarekin ondoren (2009-2012).
Gaur, kargua utzi egingo duela iragarri du Euskadi Irratian. Euskadi Irratiari eskainitako elkarrizketan adierazi duenez, “aspaldian” pentsatuta zeukan “etxera joatea” eta “lana uztea”. “Urte asko pasa dira, hamaika urte”, adierazi du.
“Garaia da aldatzeko, kontutan izanda lan honetan sartu nintzenean gauzak eraba ezberdinak zirela, eta orain erabat aldatu dira”, azaldu du.
Lasaren iritziz, “ona” da aldaketa bat egotea. Jaurlaritza berria osatu arte, Terrorismoaren Biktimen zuzendaritzan jarraituko duela gaineratu du.
Lasak bi ametsak beteta utziko du kargua: erakundeek terrorismoaren biktimak aintzat hartu izana eta ETAren indarkeria behin betiko amaitu izana.
Terrorismoaren biktimei laguntzeko zuzendariak duela hamarkada bat baino gehiago egin zuen politikan barrena, 2000. urteko uztailaren 29an ETAk senarra (Juan Mari Jauregi Gipuzkoako gobernadore zibila zena) hil eta gutxira.
Karguan, biktimen aldeko hainbat proiektu sustatu ditu, hala nola biktimen eta ETAko preso disidenteen arteko bilerak, Oroimenaren Eguna eta Oroimenaren Mapa eta biktimak ikastetxeetara joateko ekimena.
Beste lorpen bat Eusko Jaurlaritza biktimei hurbiltzea izan da, batik bat hainbat urtetako polemiken ostean.
Dena dela, bidean oztopoak ere izan ditu. Izan ere, AVT, Covite eta beste hainbat elkartek gogor kritikatu izan dute, ezker abertzalea legeztatzearen eta ETAko presoak gizarteratzearen alde agertzeagatik.
2008. urtean, ETAk mehatxu egin zion, "krokodilo malkoak dituen militante antiabertzalea" izatea egotzita. Horren ondorioz, Lasak bizkartzaina izan zuen, baina duela gutxi uko egin zion.
Maixabel Lasak alaba bat eta biloba bat ditu, eta Biktimei Laguntzeko Zuzendaritzan egindako lana senarrarekin zuen "zorra" dela esan du beti.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.