Euskal Herrian ez dela 'preso politikorik' onartu du Legebiltzarrak
Euskal Herrian eta Espainiako Estatuan "preso politikorik" ez dagoela dioen ebazpen bat onartu du Eusko Legebiltzarrak. Testu horrek "erabat" errefusatzen du "preso politiko" esamoldearen erabilera ETAko presoentzat.
PSE-EEk eta PPk sinatutako zuzenketa transakzionala da onartutako ebazpena, eta UPyDk bat egin du testuarekin.
EH Bilduk kontrako botoa eman du, eta EAJ abstenitu egin da, gai horiek Legebiltzarreko Bakerako eta Bizikidetzarako lantaldean eztabaidatu behar direla iritzita.
Alderdien arteko eztabaida sutsua izan da Legebiltzarrean, eta presoak izendatzeko hainbat esamolde erabili dituzte: "hiltzaile hutsak", "motibazio politikoko presoak", "askatasunaren aldeko borrokalariak", etab.
Onartutako ebazpenean agertzen denez, ETAko presoak "Zigor Kodean dauden delituengatik" daude kartzelan, eta euskal herritarrak eta espainiarrak "herritarren eskubideak eta askatasuna erabat bermatzen duen" Zuzenbidezko Estatu batean bizi dira.
Gainera, "legaltasunaren barruan adierazten diren bitartean, ideia politikoak defendatzeko arazorik ez" dagoela azpimarratu dute.
Eztabaida
Testuaren kontra agertu den bakarra EH Bildu izan da. Julen Arzuaga bozeramaileak Kofi Annan NBEren idazkari nagusi ohiak egindako adierazpen batzuk izan ditu hizpide, izan ere, batzuentzat terrorista dena besteentzat "askatasunaren aldeko borrokalaria" izan daitekeela aitortu zuen nazioarteko diplomazialariak.
Arzuagaren ustez ETAko presoak politikoak dira, motibazioa, ekintzen testuingurua eta "gertakarien sustraia" politikoa izan zelako, eta beste alderdi batzuek esan duten moduan, biktimak politikoak izan zirelako.
Gainera, "politiko" hitza erabiltzeagatik terrorismoa goratzearen delitua leporatzeko, auzitegi batzuk gaurko saioari begira "frankotiratzaile" moduan jarrita daudela salatu du.
EAJk abstentzioa eman du, eztabaida "antzua" dela uste baitu. Hala ere, Maribel Vauqerok esan du NBEren iritziarekin bat egiten duela, ETAkoak "ez direlako kontzientzia presoak, ez dira preso politikoak", baina "motibazio politikoagatik" urratu zituzten legea eta giza eskubideak.
Gainerako alderdiek erabat errefusatu dituzte ideia horiek.
Rodolfo Aresek (PSE-EE) gogora ekarri duenez, "hilketak eta bestelako ekintza terroristak egiteagatik edo agintzeagatik" edo ekintza horiek txalotzeagatik daude preso hainbat euskal herritar.
Borja Semperren (PP) arabera, ETAko presoak "hiltzaile hutsak" dira, eta ez dira politikoak, nahiz eta biktimak politikoak izan. Horren harira, "preso politiko" deitzeak "askatasunik ez duten" beste herrialde batzuei "irain egitea" dela azpimarratu du.
Gorka Maneirok (UPyD) babesa eman dio ebazpenari, baina motz geratzen dela ohartarazi du; izan ere, bere alderdiak ETAren krimenak ukatzea delitu izatea aldarrikatzen du.
Bizkaiko BBNNentzat ere "ez dago preso politikorik"
Era berean, Bizkaiko Batzar Nagusiek ere Espainiako Estatuan ez dagoela "preso politikorik" ebatzi dute, PPren eta PSE-EEren aldeko botoekin, Bilduren kontrako botoekin, eta EAJren abstentzioarekin.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.