Gurtel sareak Aznarren alabaren ezkontzaren zati bat ordaindu zuen
Gurtel sareak Jose Maria Aznar Espainiako Gobernuko presidente ohiaren alabaren (Ana Aznar) ezkontzaren zati bat ordaindu zuen 2002ko irailean, El Pais egunkariak gaur argitaratu duenez.
Komunikabide horren arabera, ordainketa 32.452 eurotakoa izan zen eta Francisco Correa ustelkeria sarearen arduradun nagusia ezkontzan izan zen, gonbidatuta.
Ana Aznarren senarrak, Alejandro Agagek, onartu egin du Gurtel sarearengandik dirua jaso zutela, baina "opari" gisa izan zela azpimarratu du. Era berean, dirua Los Arcos del Real finkan egindako festaren argiztapena ordaintzeko baino ez zutela erabili argudiatu du.
Garai hartan Agagen laguna zelako gonbidatu omen zuten Correa ezkontzara. Alabaina, Agagek argitu nahi izan du orduan Correa ez zegoela auzipetuta eta berak ez zuela inolako kargu publikorik.
El Pais-en esanetan, Poliziak duela bi urte atzeman zituen aipatu informazioa baieztatzen duten dokumentuak, baina orain arte ez da ezer jakinarazi.
Agagek El País-en aurka egingo du
"Ustezko saretik ezer" jaso ez duela adierazi du Alejandro Agagek. Gurtelekin "zerikusirik" ez duela erantsi du, eta El Pais egunkariaren aurka egingo duela iragarri du.
Agiri batean azaldu duenez, "ustezko saretik sekula ezer" jaso ez duela azaldu zion atzo egunkariari. "Bere gonbidatu baten eskutik opari bat" jaso zuela gaineratu du.
Ezkontza ospatu zenean, "duela hamar urte eta erdi, Gurtel sareari buru ezer" ez zekitela esan du Agagek agirian.
"Lotura dagoela esatea, egunkariko irakurleak eta iritzi publikoa nahasteko helburu argiarekin egiten da, Agag jaunari kalte egiteko eta aipua kentzeko xede bakarrarekin", adierazi du.
"Lekuko edo inputatu gisa" auzi judizialik zabalik ez duela gogorarazi du Agagek eta bere abokatuak "El Pais egunkariaren aurka egitea" atertzen ari direla aurreratu du.
'Ezkontzako oparia' izan zela ziurtatu du Botellak
Ana Botella Madrileko alkateak ziurtatu duenez, horren alabaren eta Alejandro Agagen ezkontzaren ostean egindako festaren argiztapena "opari" bat izan zen.
Francisco Correaren sarearekin ustezko harremanaz galdetu diotenean erantzun du Botellak, eta horren suhiak informazioa argitaratu duen egunkariari bidalitako komunikatuari eutsi dio.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.