Frankismoko bi polizia ohi deituko ditu Ruz epaileak
Pablo Ruz Auzitegi Nazionaleko epaileak Espainiako segurtasun indarretako bi kide ohi deituko ditu. Lautik bi baino ez daude bizirik. Argentinak estradizioa eskatu zuen frankismoan egindako torurengatik. Maria Servini Argentinako epaileak estradizioa formalki eskatu behar du orain.
Iturri juridikoek jakitera eman dutenez, Jesus Muñecas Aguilar (77 urte) guardia zibil ohiaren eta Juan Antonio Gonzalez Pacheco inspektore ohiaren (Billy el Niño) bizilekuak aurkitu ditzute segurtasun indarrek, eta epaileari jakinarazi dizkiote.
Bestalde, Franco Celso Galvan (2009ko abuztuaren 3an hil zen) bizkartzain ohia eta Jose Ignacio Giralte (2007ko apirilaren 2an) komisario ohia hil direla jakitera eman diote segurtasun indarrek epaileari.
Epaileak orain bi heriotza horien berri emango dio Argentinari. Argentinak bizirik dauden beste bien estradizioa formalki eskatu beharko du orain.
Auzitegi Nazionaleko Fiskaltzaren txostena jaso ostean epaileak erabakia hartu du. Hala ere, bi funtzionario ohien atxiloketa "beharrezkoa ez" dela uste du.
Gallardon eta Cayo Lararen arteko hika mika
Diputatuen Kongresuko kontrol saioa, bestalde, Alberto Ruiz-Gallardon Justizia ministroaren eta Cayo Lara Ezker Anitza taldeko diputatuaren arteko hika mikaren lekuko izan da.
Memoria Historikoaren Legea betetzeko borondate eza leporatu dio Larak Espainiako Gobernuari. "Ez dago borondaterik bide ertzetan desagertutakoak bilatzean, heriotzak ikerketzean eta hildakoei hileta duin bat ematean", esan du. "Gobernuak Argentinako justiziak frankismoko krimenak ikertzeko irekitako bidea oztopatu du", gaineratu du.
Gallardonek "onartezintzat" jo ditu adierazpenak eta Espainiako Gobernuak Memoria Historikoaren Legeak jasotzen duena "bete" eta "garatzen" duela azpimarratu du. "Zuk ez dakizu ezer iraganari buruz, horregatik ezin diozu etorkizunari ekarpenik egin", esan dio Larari.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.