Rajoy, Barcenas kasuaz: 'Gauza batzuk ezin dira frogatu'
Mariano Rajoy Espainiako presidenteak, Bloomberg telebista amerikarrari egindako adierazpenetan esan duenez, Barcenas kasuaren aurrean "oso lasai" dago eta inork ezingo du erakutsi PPn legez kanpoko finantziazioa egon denik, "ez delako halakorik egon". Alderdi Popularraren "zintzotasuna" defendatu du. Barcenas auziarekin lotutako frogak suntsitu diren galdetuta, berriz, horretaz ezer ez dakiela eta ez dakien gauzei buruz ezin duela hitz egin azpimarratu du.
PPko diruzain ohiaren kasua argitzea Justiziari dagokiola esan du Rajoyk, eta garbi utzi nahi izan du auzi horretan ez dagoela PPko buruzagirik auzipetuta. "Oso lasai gaude denok", berretsi du.
Zenbait inkesten arabera, herritarren gehiengoak PPk Barcenas auzian duen jarrera zalantzan jartzen duela eta, Rajoyk adierazi du bere lana "susmoei" aurre egitea dela, egia zein den erakusteko, eta bide horretan jarraituko duela, gizartean eraiki diren hainbat iritzi aldatzeko.
Alderdi Popularra legez kanpo finantzatu dela frogatuko balitz, dimisiorik aurkeztuko lukeen ere galdetu diote telebista kate estatubatuarrean eta hauxe erantzuna: "Hainbat gauza ezin dira frogatu, PPn inoiz ez delako legez kanpoko finantzaketarik izan. Horregatik, ez dauka zentzurik gai horretaz hitz egiteak".
Gai honetaz eman beharrezko azalpenak Parlamentuan eman zituela gogorarazi du Rajoyk. Halaber, ustelkeriari aurre egiteko neurriak ere hartuta daudela garbi utzi nahi izan du, legez kanpoko finantzaketarik egon ez dadin.
Barcenasen inguruko galderei amaiera emateko, PPko buruzagien zintzotasuna defendatu du. Ustelkeria kasu bakan batzuk ezin dezaketela beste guztien la ona zikindu azpimarratu du, eta Espainiako presidente bezala, zerbitzu publikoari emana dagoela esan du.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.