Herrirako 18 atxilotuak aske, horietatik 4 fidantzapean
Eloy Velasco Auzitegi Nazionaleko epaileak Herriraren kontrako operazioan atxilotutako 18 lagunetatik 14 aske utzi ditu, karguekin, eta gainerako 4 lagunak espetxera bidali ditu fidantzapean, baina 20.000 euroko bermea ordainduta aske geldituko dira datozen orduetan.
Goizean aske geratu diren atxilotuak Sergio Labayen, Eneko Villegas, Roberto Noval, Oscar Sanchez, Beñat Zarrabeitia, Ekain Zubizarreta, Eneko Ibarguren, Amaia Esnal, Imanol Karrera eta Fran Balda dira, eta arratsaldean epailearen aurrean deklaratu ostean aske gelditu dira Ibon Meñika, Jose Antonio Fernandez, Gorka Gonzalez eta Ane Zelaia ere . Hala ere, hainbat baldintza ezarri dizkie epaileak: ezingo dute Espainiatik atera, pasaportea kendu diete, eta ezingo dute presoekin zerikusia duten ekitaldietan parte hartu.
Jon Garai, Nagore Garcia, Jesus Mari Aldunberri eta Manu Ugartemendia Soto del Realeko kartzelara eraman dituzte, baina bermea ordaindu dute eta datozen orduetan aske geldituko dira. Horietako bi espetxetik atera dira dagoeneko, Radio Euskadik jakitera eman duenez.
Hala ere, 18 lagunek inputatuta jarraitzen dute eta talde terroristako kide izatea, terrorismoa goratzea eta finantzatzea leporatzen die Eloy Vasco epaileak.
Atxilotuen abokatuek nabarmendu dutenez, atxilotu guztiak aske gelditzen badira ere, inputatuta daude eta akusazioak oso larriak dira.
18 atxilotuetatik 14k goizean deklaratu dute epailearen aurrean, eta arratsaldean igaro dira epailearen aurretik azken laurak.
Goizean epailearen aurretik igaro diren 14 lagunek deklaratzeari uko egin diote, baina ETArekin eta terrorismoarekin zerikusirik ez dutela adierazi dute.
Bestalde, epaileak bere autoan Herriraren kontrako hainbat neurri berretsi ditu, hala nola, Herrirako egoitzak ixtea eta haren jarduera bi urtez debekatzea, hainbat erabiltzaileren twitter kontuak eta web orriak ixtea, bankuen kontuak blokeatuta mantentzea eta atzemandako dirua, 62.000 euro guztira, erretiratzea.
'Gezurrak dira'
Herrira preso eta errefuxiatuen eskubideak defendatzen dituen mugimenduak "oso larritzat" jo du Guardia Zibilak aurreko astelehenean Auzitegi Nazionalak aginduta plataformaren kontra egindako operazioa eta, ziurtatu duenez, "Estatuaren ahultasuna" agerian utzi dute.
Gainera, atxilotuei egindako akusazioak, esaterako, banda armatu bateko kide izatea, terrorismoa goratzea eta diruz laguntzea, "gezurrak" dira.
Baionan egindako prentsaurreko batean plataformako zenbait kidek esan dutenez, operazio honetan "argi geratu da Estatu espainiarrak gatazkaren konponbidea oztopatu nahi duela" eta "gure aldarrikapenak euskal gizarteari aurkezteko dugun gaitasunak (Estatua) beldurtzen duela", gaineratu du.
Deialdiak
ELA, LAB, ESK, STEE-EILAS, EHNE, HIRU, CGT eta CNT sindikatuek elkarretaratzeak deitu dituzte ostiralerako, 12:00etatik 12:30era, Euskal Herriko lantokietan, "Herrira presoen eskubideen aldeko elkartearen aurkako polizia operazio bidegabearen aurka".
ELAko eta LABeko idazkari nagusiek, Adolfo Muñozek eta Ainhoa Etxaidek, "gaitzespen irmoa" erakutsi dute, protesta deitu duten sindikatu guztien izenean, "astelehenean 18 pertsona atxilotzea ekarri zuen erabaki politikoaren aurrean".
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.