'Gure bilobek ez dezatela jasan guk pairatu duguna'
'Parot doktrina'ren kontra Estrasburgoko Auzitegiak kaleratutako epaia mahai gainean dela, Euskadin kezka nagusia biktimak izan beharrean biktimarioen eskubideak izatea kritikatu du Maite Pagazaurtundua Coviteko buruak Radio Euskadiko ''Ganbara'' saioan. ETAk 2003an hil zuen Joseba Pagazaurtunduaren arreba da Maite, eta beste bi biktimarekin batera hartu du parte 'Parot doktrina'ren inguruan egin duten mahai-inguruan.
Doktrinaren inguruko erabakia jakitera eman zenetik, biktima askok jasan duten minaz ohartarazi du Jose Vargas Erakunde Terroristen Biktimen Kataluniako Elkarteko buruak.
Rosa Roderoren hitzetan, berriz, onartu beharreko erabakia da, legeak hala jasotzen duelako. ETAk 1993an hil zuen Joseba Goikoetxea Ertzaintzako agentearen alargunak azpimarratu duenez, hau guztia ez da berria, 'Parot doktrina' aplikatzen hasi aurretik ere ETAko kide asko kartzelatik irten zirelako.
Espetxe politikan biktimek Gobernuari presioa egin behar ote dioten ere jorratu dute mahai-inguruan, eta, horren inguruan argi aritu da Rodero: ''Legeak ezagutzen ez dituztenek ez dute legedia aldatzeko presiorik egin behar''.
Iritzi berekoa da Jose Vargas, eta legedia aldatzeko herritarrek duten instrumentua hauteskundeak direla gaineratu du. Maite Pagartunduak, bestalde, gizartean ekarpen positiboak egin ditzaketela nabarmendu du.
Vargas eta Rodero, halaber, AVTk bere burua biktima guztien ordezkari gisa aurkeztea kritikatu dute, eta ukatu egin dute elkarte horrek biktima guztiak ordezkatzea.
Astelehen honetan egindakoa ez da 'Parot doktrina'ren inguruko saio berezi bakarra izango. Asteazkenean, beste mahai-inguru bat emitituko dute, bigarren hau ETAko presoen senitartekoekin eta orain urtebete aske geratu zen Oskar Abad ETAko presoarekin (20 urte zeramatzan kartzelan).
Nola bizi dute egungo egoera presoen senitartekoek? Nolakoa da ETAko preso batek 20 urte kartzelan eman ondoren bertatik irtetean aurkitzen duen errealitatea?
Galdera horiek aztergai izango ditu ''Ganbara'' saioak, ostegunean, 22:30etik aurrera.
Zure interesekoa izan daiteke
Lehendakariak Galesekin eta Fukushimarekin aliantza estrategikoen sarea indartuz hasiko du 2026a
Imanol Pradalesek Galesekin eta Fukushimarekin dituen Elkar Ulertzeko Memorandumak berrituko ditu datozen egunotan Ajuria Enean, nazioarteko diplomaziak markatutako aste batean.
Maduroren aurkakoen poza, atxiloketa ospatzean, Bilbon
Euskadin, Venezuelako komunitatea bereziki ugaria da Bizkaian, eta gaur arratsaldean Nicolas Maduroren atxiloketa ospatzeko elkarretaratzea egin dute Bilboko udaletxearen aurrean. EAJko eta PPko kideak ere bertan izan dira.
Venezuelari egindako "eraso inperialista" salatu dute ehunka lagunek Hego Euskal Herriko hiriburuetan
Hainbat eragile politiko, sindikal eta sozialek osatzen duten Hegoak plataforma internazionalistak deitu ditu elkarretaratzeak "Eraso inperialistarik ez. Venezuelak burujabetza. Herriarekin bat! "lelopean. EH Bildu Podemos eta IUNen babesa izan dute.
EH Bilduk "nazioarteko zuzenbidea suntsitzea" eta "Europako hauteskundeetan parte hartu nahi izatea" leporatu dio Trumpi
“Trumpek hasiera eman dio bere plan inperialistari, eskuin-muturrari eta boteretsuei mesede egiteko helburuarekin”, esan du Igor Zulaikak, EH Bilduren Nazioarteko Politika eta Harremanetarako arduradunak. “Bakearen, demokraziaren eta autodeterminazio eskubidearen alde elkartu gara”, gaineratu du.
Sanchezek legegintzaldia amaitzeko konpromisoa berretsi dio militantziari, eta "ausardia eta irmotasuna" eskatu ditu
Espainiako Gobernuko presidenteak "irmo" gaitzetsi du AEBk Venezuelaren aurka egindako erasoa, eta nazioarteko zuzenbidearen defentsa berretsi du.
Venezuelaren aldeko elkarretaratzeak deitu dituzte Hego Euskal Herrian
Deialdia sare sozialen bidez zabaldu dute. Igande honetan egingo dituzte protestak, 12:30ean, Donostiako Boulevardean, Venezuelak Bilbon duen kontsulatuaren aurrean eta Iruñeko Udaletxe plazan. Ordu erdi geroago, Gasteizko Andre Maria Zuriaren plazan elkartuko dira. Besteak beste, EH Bilduk parte hartuko du bilkura horietan.
Sarek datorren larunbatean Bilboko kaleak betetzeko deia egin du, salbuespenezko politiken amaiera eskatzeko
Datorren larunbatean, hilak 10, ETAko presoen "eskubideen urraketen amaiera eskatzeko" urtero egiten duen mobilizazioan parte hartzeko dei egin dio Sare herritar sareak euskal jendarteari. Manifestazioa "jai giroan" egingo dela eta Alde Zaharrean jarduerak izango direla iragarri dute. Hainbat pertsona ezagunek eramango dute pankarta, Francis Diez abeslaria izango da tartean, eta, besteak beste, Pantxoa eta Peio arituko dira amaierako ekitaldian.
Valentziako goialdeko depresioaren egunean Mazonekin izandako mezu guztiak epaileari bidali dizkio Feijook
Urriaren 29an Mazoni bidalitako "mezu guztiak" igorri dizkiola esan dio PPko buruak epaileari, argi utzita ez dutela "txat horretako mezurik ezabatu". Halaber, Generalitateko presidente ohiaren mezuak eta erantzunak irakur daitezke ere bai.
Urtarrilaren 10ean egingo du EH Bilduk Batzar Nagusia, "Elkarrizketa Nazionalaren" balantzea egiteko
Koalizioaren ustez, 2026 urtea euskal politikagintzan gakoa izango da, eta "lokatzetan dabiltzanen" aurrean egindako lan "konprometitu eta leiala" aldarrikatu du.
EAJ: oposizioa haserre dago herri akordio handietan sartzen ez delako
Joseba Diaz Antxustegi EAJren Legebiltzarreko bozeramaileak nabarmendu duenez, Euskadiko oposizioa "haserre dago herrialdeko akordio handietan sartzeko gai ez izateagatik", eta haserre horrek "Madrilgo giro politikoaren polarizazioa eta zarata Euskadira ekartzera eraman ditu".