Sortu: 'Bake prozesua zanpatzeko PPren milagarren saiakera da'
Guardia Zibilak presoen abokatuen aurka egindako azken operazioa "bake prozesua zanpatzeko PPren milagarren saiakera" dela salatu du Pernando Barrena Sortuko bozeramaileak. Operazioa euskal gizartearen "bake, askatasun eta demokrazia irrikaren aurkako eraso zuzena da", erantsi du.
Sorturen egoitzan, Donostian, prentsaurrekoa eman du Barrenak. Bozeramaile abertzaleak atxilotuei "elkartasuna" adierazi eta "agur bero bat" eman die.
Barrenaren hitzetan, azken polizia-operazioa "bake prozesua zanpatzeko PPren milagarren saiakera da, bakeari beldur diolako". Alderdi Popularra "bere argudio politikoen ahuleziaren jakitun da", gaineratu du.
Horren ustez, "PPk euskal gizartea kikildu" eta "sufrimendua eguneroko ogia izatea" nahi du, baina "herri hau sendoa da" eta "sakabanaketa eta espetxe politika kriminalarekin" bukatuko du.
EAJ
EAJren esanetan, operazioa "susmagarria, oportunista eta norabide zuzenaren kontrakoa da, nahiz eta euskal gizartea azkenaldian norabide egokian joan, guk nahi baino astiroago bada ere".
Azken operazio honen aurrean, euren "kezka eta alarma" agertu dute jeltzaleek agiri baten bidez.
Aralar
Presoen abokatuen atxiloketak "oso larritzat" jo ditu Patxi Zabaleta Aralarreko koordinatzaile nagusiak, "bakearen aurkako eraso bat direlako".
Atxiloketak "giza eskubideen, abokatuen eskubide profesionalen eta bakearen kontrako eraso bat dira", Zabaletaren aburuz.
EA
Eusko Alkartasunak ere operazioa kritikatu du, eta "atxilotu guztiak berehala aske uzteko" eskatu du.
EAren arabera, "gero eta argiago dago arazoa ez dela ETA, euskal gatazka politikoa baizik".
Geroa Bai
Gaurkoa bezalako operazioek bake prozesuari laguntzen ez diotela salatu du Geroa Baik. Mariano Rajoyren Gobernuak "konponbideak bilatu beharrean, polizia-operazioen aldeko apustua" egitea deitoratu du Geroa Baik agiri batean.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.