Celia Villalobosek abortuaren erreformaren aurka bozkatu du
Celia Villalobos Kongresuko presidenteorde eta PPko diputatuak, PSOE eta oposizioko gainerako alderdiekin batera, Alberto Ruiz-Gallardonek abortuaren legea aldatzeko bultzatutako erreformaren aurreproiektuaren aurka bozkatu du gaur. Kongresuko Osoko Bilkurak, PP, UPN eta Unió alderdien babesarekin, Ezker Anitzak aurkeztutako mozioa baztertu du.
Bi bozketa egin dituzte. Lehenengoan, 'emakumeen eskubideen aurka ez egiteko eta gaur egungo legeari modu murriztailean ez eragiteko' eta, aldaketak egitekotan, emakumeei eskubide gehiago emateko eskatzen zuten. Guztira 312 diputatuk eman dute botoa: 125 diputatuk aldeko botoa eman dute (Celia Villalobos, PSOE, Ezker Anitza, UPyD, EAJ eta Talde Mistoko kideak); 186k (PP, CIU), kontrakoa, eta Sabino Cuadra (Amaiur) abstenitu egin da. Bigarrenean, 'Ministro Kontseiluak aurkeztutako zirriborroa baztertzea' eskatzen zen. 311 diputatuk eman dute botoa: 136k alde bozkatu dute eta 175ek kontra. Azpiroz eta Romero PPko diputatuak nahastu egin dira eta aldeko botoa eman dute, PSOE, Ezker Anitza, UPyD, EAJ, Talde Mistoa eta CIUko diputatuekin batera.
Abortuaren inguruko bozketa egin aurretik, eta kazetarien galderei erantzunez, "PPk inor ez du ezustean harrapatzen", esan du Alfonso Alonsok. "Guk lanean dihardugu, eta, oro har, aurreikusteko modukoak gara", gaineratu du.
Celia Villalobos diputatuaren botoaz galdetuta, ezustekorik ez zuela espero adierazi du Kongresuko popularren bozeramaileak; izan ere, Villalobosek bere jarrera "argi azaltzen du beti".
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.