Sortu: 'Adimena zorroztu eta beste bide batzuk aztertu behar ditugu'
Egiaztatzaileen Nazioarteko Batzordearentzat “zaila” izango da bere lana egiten jarraitzea, erakunde “klandestino” baten modura hartzen duten bitartean, gaur Hasier Arraiz Sortuko presidenteak azpimarratu duenez. Orain, Arraizen hitzetan, “adimena zorrozteko ordua” iritsi da, ETAren amaiera kudeatzeko “egon daitezkeen beste bide batzuk” aztertzeko helburuarekin.
Radio Euskadiri eskainitako elkarrizketan, Arraizek gogoratu du batzorde horretako kideek dagoeneko esan dutela lanean jarraitzeko “borondate bera” daukatela baina, Sortuko presidentearen iritziz, “baldintza hauetan lan hori egitea zaila” dela gaineratu du.
Arraizen iritziz, “sinesgaitza da” ETAk armak entregatu nahi izatea eta, bitartean, Espainia eta Frantziako Gobernuek desarme horren alde ezer ez egitea. Horren harian, “ibilbide orri bateratu bat” sortzea proposatu die jeltzaleei eta sozialistei.
Egiaztatzaileek Espainiako eta Frantziako Gobernuei zenbait “berme” eskatu zizkiotela gogoartu du Arraizek. “Eta Madrilek eman duen erantzuna zein izan den ikusi dugu asteburuan”.
Horregatik, ezker abertzaleak “beste behin bere” adimena zorroztu egin beharko duela adierazi du, “hartu daitezkeen beste bide batzuk aztertzeko”.
Arraizen ustez, prozesua “Euskal Herritik” gidatu beharko da etorkizunean, nahiz eta “alor tekniko batzuetan” (presoen egoera, desarmea...) “Estatuen inplikazioa nahitaezkoa izango den”.
”Euskal Herritik ahalik eta presio handiena egin behar dugu, euskal erakundeetatik eta nazioartetik ere, Espainiak eta Frantziak euren jarrera aldatu dezaten”, gaineratu du.
Lehendakaria egiaztatzaileekin egoteko Madrilera joan izana baloratu du Sortu presidenteak, eta Jaurlaritzari prozesuaren “lidergoa” hartzeko eskatu dio. “Iritsi da ibilbide orri bateratua egiteko ordua”, nabarmendu du.
Horren harian, gatazka “konpondu” nahi duten eragile guztiek “elkarlanean” aritu behar direla azpimarratu du, PSE-EE ere aipatuz.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.