Jonan Fernandez:'Oztopoak oztopo, prozesuak azkeneraino jarraituko du'
Jonan Fernandez Eusko Jaurlaritzaren Bake eta Bizikidetzarako idazkari nagusiak azpimarratu du ETAren armagabetze prozesua "azkeneraino" iritsiko dela, "oztopoak oztopo eta Espainiako Gobernuak baldintza teknikorik jarri ez arren".
Egiaztatzaileen Nazioarteko Batzordeko kideek Auzitegi Nazionalean deklaratu behar izanak, prozesu hau guztia zailtzen duela iritzi dio Euskadi Irratian egindako elkarrizketan.
Nolanahi ere, "zailtasunak zailtasun, eta Espainiako Gobernuak baldintza teknikorik jarri ez arren, egiaztatzaileek lanean jarraitzeko borondatea agertu dute eta ziur agertu dira ETAren armagabetze prozesua gauzatzeko baldintzak egon badaudela, eta hori positiboa da", adierazi du.
Fernandezek azkeneko gertakariak "ikuspuntu zabalarekin begiratzeko" deia egin du, eta egoera zaila izan arren, aurrera egiteko aukerak egon badaudela esan du. "Alternatibak badaude eta bilatu egingo ditugu", esan du.
Gauzak ikuspuntu zabalarekin begiratzerakoan, bi gertakari nabarmendu du: ETAk duela bi urte bere jarduera armatua betirako amaitzeko hartu zuen erabakia eta duela hilabete batzuk euskal presoek bide legalak erabiltzeko hautuarekin bat egin izana.
Filtrazioak
Bestalde, azken orduotan zenbait komunikabidek zabaldutako informazioaz (ostiralean argitaratutako bideoan agertzen ziren ETAko kideek erabili ezinik utzitako armak eraman zituztela argitaratu da) galdetuta, Fernandezek esan du "filtrazio interesatuak" direla eta berak egiaztatzaileek esandakoari soilik ematen diola sinesgarritasuna.
"Azken orduetan emandako informazio batzuk ez dira zuzenak. Prestigiodun egiaztatzaileak dira eta lan serioa egiten ari dira. Filtrazio interesatuak dira eta ez da komeni horrelakoei kasurik egitea. Egiaztatzaileek ostiralean egindako iragarpenari egin behar zaio kasu eta egiaztatzaileek esan dute ETAren armagabetze prozesua sinesgarria dela", azaldu du.
Amaitzeko, Jonan Fernandezek esan du ETAk "ahalik eta azkarren" armagabetu behar duela, eta prozesu hori luzatzeak nori egiten dion mesede azter dezala eskatu dio.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.