Jaurlaritzak ez du ETA amaitzeko 'laguntza mespretxatuko'
Josu Erkoreka Eusko Jaurlaritzaren bozeramaileak esan du ez dutela nazioarteko "laguntzarik mespretxatuko ETAren indarkeria modu ordenatuan amaitzeko".
Jonathan Powell Tony Blairren kabinete buru ohia Euskal Herrian da bake prozesuaren inguruan lehendakariarekin eta alderdi politikoekin hitz egiteko, ETAk desarmerako lehenengo pausoa eman ostean eta nazioarteko egiaztatzaileek Auzitegi Nazionalean deklaratu eta gero.
Erkorekak Radio Euskadin egindako elkarrizketa batean azaldu duenez, "ongietorria izango da ETAren indarkeria amaitzeko laguntza, are gehiago esperientzia, pisu instituzionala edo nazioarte mailan harremanak dituen pertsona baten aldetik iristen bada".
"Indarkeria berragertzeko arrisku guztia desagerrarazi"
Bestalde, bozeramaileak aitortu du "barne tentsioak" daudela ETAn egungo egoeraren inguruko "diagnosi komuna" egiteko. Horregatik, etorkizunean indarkeria berriro agertzeko "arrisku guztiak desagerrarazteko" deia egin du.
Justizia sailburu ere badenak gaineratu duenez, ETA modu "ordenatuan" desegin beharra dago, "adostasunean" oinarrituta, eta "ETAko kide edo jarraitzaile diren guztiek aho batez onartuta", indarkeria berriro pizteko "zirrikiturik" gera ez dadin.
Azaldu duenez, Eusko Jaurlaritzaren helburua ETAren amaiera adostua lortzea da, eta horretarako ezinbesteko jotzen du "erakundeen eta Euskal Herriko lau joera politiko nagusien arteko adostasuna".
Desarmatzea
Jaurlaritzaren bozeramailearentzat "anekdotikoa" da ETAren armak non dauden jakitea, nola gorde dituzten edo noren kontrolpean dauden, "erabili ezinik egiaztatzen bada beti ere".
"Egiaztatzaileei sinesgarritasuna ematen bazaie, eta Jaurlaritzak ematen die, nahikoa berme da haiek egiaztatzea", adierazi du.
Zure interesekoa izan daiteke
Lurpetik atera dituzte beste bi borrokalariren gorpuzkiak Saibin (Urkiola)
Igande honetako lan berrietan, beste bi gudarien gorpuzkiak lurpetik atera dituzte Saibin (Urkiola). Horiekin, dagoeneko 5 pertsonaren gorpuzkiak aurkitu dira 2023tik.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.