Ibon Areso alkate izendatzeko Osoko Bilkura ostiralean izango da
Iñaki Azkuna hil ostean, Ibon Areso Bilboko alkate izendatzeko Osoko Bilkura ostiral honetan egingo dute, Bilboko udaletxean, 12:00etan, bertatik jakinarazi dutenez.
Azkuna hil zenez geroztik, BBBk eta Bilboko Buru Batzarren Artekoak aho batez onartu zuten Alkatetza alkateordeak gidatu behar duela, legealdia bukatu arte.
Halaber, EAJk jakinarazi duenez, urriaren 7an abiaraziko dute Alkatetzarako hautagaia aukeratzeko barne prozesua, eta Gabonak baino lehen bukatuko da.
Legealdia bukatu arte Areso Azkunaren oinordeko izendatu eta gero, ostiral honetan Osoko Bilkura egingo dute Bilboko udaletxean, inbestidura gauzatzeko.
Halaber, ostiraleko saioan, osoko bilkuren erregimenean, batzorde informatiboetan, kontuen batzordean, iradokizun eta erreklamazio batzordean, eta informazio eta agerraldi organoan aldaketak egiteko proposamenaz arituko dira, eta Eider Jauregi Ruiz de Gauna zinegotziak kargu hartuko du.
Lehen ekitaldi publikoa
Astearte honetakoa, Ibon Aresok behin behineko alkate gisa, Iñaki Azkuna hil ondoren, egindako lehen ekitaldi publikoa izan da.
Areso 'Slowfooden km0 2013an'en harira egindako sari banaketan izan da, non 12 sukaldari saritu dituzten, eta ogibide hau goraipatu du Iñaki Azkunaren azken hilabeteak "poztasunez" betetzeagatik.
Areso ziur agertu da Iñaki Azkunaren "azken hilabeteok oso zoriontsuak" izan zirela, aurreko garai batzuekin alderatuta, "janariaz gozatu ahal izan" duelako.
"Garai batean likidoak eta papilak baino ezin zuen hartu eta ezin izan zuen janariaz gozatu. Medikuek konpondu ziotenean, nik badakit azken hilabeteetan oso zoriontsu izan dela, janariaz disfrutatu ahal izan duelako", gaineratu du.
Dolu-egunak bukatu dira
Iñaki Azkuna Bilboko alkatearen omenezko dolu-egunak bukatutzat eman dituzte gaur; hortaz, Bizkaiko hiriburuan haga erdian zeuden banderak, besteak beste udaletxekoa, ohiko moduan jarri dituzte berriro.
Azken dolu-eguna astelehena izan zen, Santiago katedralean Azkunaren aldeko hileta-elizkizuna egin zuten eguna.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.