Jendetza eta emozioa, Iñaki Azkunaren azken agurrean
Bilboko Santiago katedrala txiki geratu da Iñaki Azkunaren azken agurrean. Hileta hasi baino ordubete lehenago jende andana bildu da katedralean, eta barruan nahiz kanpoan jarritako 4.000 eserlekuak laster batean bete dira.
Goizean goiztik hasi dira herritarrak katedralera hurbiltzen, minbiziak jota ostegunean hil zen Bilboko alkateari agur esateko asmoz. Plaza Barrian eta Zazpikaleetan ere ia 8.000 lagun elkartu dira, hileta pantaila erraldoien bitartez jarraitzeko.
Hileta Mario Iceta Bilboko gotzainak eta Luis Alberto Loyo katedraleko deanak zuzendu dute. Bertan izan dira Asturiasko printze-printzesak, Soraya Saenz de Santamaria Espainiako Gobernuko presidenteordea, Iñigo Urkullu lehendakaria eta Eusko Jaurlaritzako ordezkariak.
Carlos Garaikoetxea, Jose Antonio Ardanza, Juan Jose Ibarretxe eta Patxi Lopez lehendakariak elkarrekin iritsi dira Santiago katedralera.
Horiez gain, alderdi politikoetako ordezkariak, erakundeetako agintariak, botere judizialeko kideak, enpresariak, erakunde sozial eta ekonomikoetako buruzagiak eta kultura eta kirol arloko ordezkariak izan dira, baita Espainiako Armadaren, Poliziaren eta Ertzaintzaren ordezkariak ere.
Iceta: "Gozamenez eta esker onez gordeko dugu zure oroimena"
Mario Iceta Bilboko gotzainak azpimarratu du Iñaki Azkunak "bokazioz" eta "herritarren ongizatearen alde" lan egin duela beti, administrazio publikoan nahiz Bilboko Alkatetzan aritu den urteetan.
Homilian esan duenez, Azkunak "bakean, lasaitasunez eta itxaropenez" igaro zituen "bere erromesaldiaren" azken egunak.
Hilzorian zela, etxean egin zion bisitan Azkunak esan zizkion hitzak gogoratu ditu: "Ohe gainean zeukan Kristo eder baten argazki bati so eginez, ondokoa esan zidan: Bera nire bila atera zen, aurkitu ninduen eta deitu egin zidan; eta ordudanik, ez dugu elkar abandonatu, ez berak ni, ez nik bera".
"Heriotzak eragiten duen mina eta estualdia Kristoren eskuetan jarrita baretzen dira, maite gaituelako eta miserikordiaz itxaroten gaituelako", erantsi du.
Azkunak Begoñako Andra Mariari beti erakutsi izan dion "maitasuna" goraipatu du Icetak. "Gozamenez eta esker onez gordeko dugu zure oroimena", nabarmendu du.
50 apaiz eta Haendel, Madina, Bach eta Iparragirreren piezak
Hiletan 50 bat apaizek hartu dute parte, eta elizkizuna Pucciniren Requiem obrarekin hasi da, Bilboko Koralaren eskutik, Azkunak berak hala eskatuta. Aldarearen ondoan San Andresen domina bat eta bere agintaldiko makila jarri dituzte.
Azkunak bere azken agurreko xehetasun guztiak lotuta utzi zituen eta, hark eskatutakoa betez, Haendelen, Madinaren, Bachen eta Iparragirreren piezak ere entzun ahal izan dira, hiletan arintzeko asmoz aukeratutakoak denak.
"Bere hileta xumea izatea nahi zuen eta, beraz, meza xumea izango da", adierazi du Icetak katedralean bildutako kazetarien aurrean. Azkunarekin harreman ona zuela eta hunkituta zegoela ere aitortu du.
Harrera Arriaga Antzokian
Felipe printzea eta Letizia Ortiz 11:15ean iritsi dira Bilbora. Agintari guztiak Arriaga Antzokian elkartu dira, ondoren elkarrekin Santiago katedralera joateko.
Iñigo Urkullu lehendakaria eta Ibon Areso jarduneko alkateak egin diete harrera agintari guztiei Arriaga Antzokian.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.