Eibarko saltzailearen hilketa berriro ikertzeko eskatuko du Covitek
Covite EAEko Terrorismoaren Biktimen Elkarteak 1980. urtean Carlos Garcia Eibarko tabako-saltzailea hil zen atentatuaren ikerketa berriro irekitzea eskatuko dio Fiskaltzari, Kepa Pikabea presoak atentatua berak egin zuela aitortu ondoren.
Izan ere, Miguel Angel Madariaga Lope Guardia Zibileko teniente ohiak elkarrizketa eskatu zion Pikabeari, urteak eman baititu ETAren beste atentatu bat argitzeko nahian, ETAko hiru kidek 1979. urtean Andoaingo Guardia Zibilaren aurka egindakoa, alegia. Atentatu horretan polizia bat hil zen eta Madariagak berak zauri larriak izan zituen.
Atentatua argitzeko helburuarekin, Pikabearekin elkarrizketatzea lortu zuen atzo Madariagak. Guardia Zibilaren ustez, Pikabea izan zen Andoaingo atentatua egin zuenetariko bat.
Elkarrizketa Gasteizko Zaballa espetxean egin zuten, eta Madariagarekin batera Consuelo Ordoñez Coviteko presidentea ere bertaratu zen. Presoak onartu egin zuen ‘Adarra’ ETAko taldean egon izana, baina Andoaingo atentatuan ez zuela parte hartu azaldu zion Madariagari. Pikabearen hitzetan, garai horretan Hernaniko enpresa batean lanean ari zen.
Madariagak ez zituen Pikabearen hitzak sinistu, eta gezurretan ibili zela adierazi du. “Atentatu horri buruz berririk ez zeukala esan zidan, lanean ari zelako, baina atentatua goizeko 7:30etan egin zuten, eta ez dut uste ordu horretan lanean arituko zenik”, azaldu du.
Hala ere, Carlos Garcia Eibarreko tabako-saltzailea berak hil zuela onartu zion Pikabeak Madariagari. Atentatu horregatik, epaileak ETAko beste bi kide zigortu zituen bere egunean eta dagoeneko preskribatu egin du.
Atzoko elkarrizketaren grabazioa aintzat hartuta, Fiskaltzari kasua berriro irekitzeko eskatuko dio Covitek.
Urkijoren dimisioa eskatu dute
Bestalde, Covitek Txema Urkijo Jaurlaritzako aholkulariaren dimisioa eskatu du gaur, ETAko presoek biktimei igorritako gutunak ezkutatu dituela egotzita.
Izan ere, Covitek jakinarazi du Kepa Pikabeak eman diola Madariagari gutun horren berri, berak igorri baitzion Urkijori.
Txema Urkijok berak azaldu du Kepa Pikabeak “diskrezioa” eskatu ziola eta garai hartan, 2012an, Nanclares bidearen aurka erabiltzeko arriskua zegoela gorde zuela Pikabearen gutuna.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".