Torturaren inguruko ikerketa 'ofiziala' egingo du Eusko Jaurlaritzak
Eusko Jaurlaritzak 1960 eta 2010 urteen bitartean Euskadin izandako tortura kasuen ikerketa "ofiziala" egingo du. Francisco Etxeberriak zuzenduko du taldea.
Jonan Fernandez Eusko Jaurlaritzako Bake eta Bizikidetzarako idazkari nagusiak eta Francisco Etxeberriak EHU-n Auzitegiko Medikuntza irakasle eta Kriminologiaren Euskal Institutuko kideak, iragarri dute ekimena. Bake eta Bizikidetza Planaren seigarren ekimenari –Torturari buruzko ikerketa eta ekintzak- hasiera emateko lehen urratsa da hau.
Bake eta Bizikidetzarako Idazkaritza Nagusiak azterlan honen zuzendaritza zientifikoa enkargatu dio Francisco Etxeberriari. Azterlanak Kriminologiaren Euskal Institutuaren babesa izango du. Fenomeno horrek "50 urtetan izan duen benetako eraginaren berri" ematea du helburua, eta "errekonozimendu, konponketa eta prebentzioari lotutako ondorioak zehaztea", Fernandezen ustez.
Azterlanaren metodologia eta egituraren diseinua hurrengo hiru hilabeteetan zehaztuko da eta ekainean jarriko da abian, aurreikuspenen arabera.
Ikerketa hiru fasetan egingo dute. Lehenengoan sei eta zortzi hilabete bitartean izango dira lanean: tortura kopurua zehazten saiatuko dira; bigarrenak bederatzi eta 12 hilabete bitartean hartuko du eta salaketa horien sinesgarritasuna aztertuko dute, Istanbuleko protokoloko estandarrak kontuan izanda; hirugarren faseak hiru eta bost hilabete bitartean hartuko du eta ondorioak eta gomendioak egingo dituzte orduan, errekonozimendu, ordain eta prebentzio lanetarako.
Francisco Etxeberria forenseak ikerketaren izaera "ofiziala" goraipatu du. Horrek aurretik egin diren beste batzuekin ezberdintasun nabaria suposatzen du, bere ustez, ez baita hain garai luze batean oinarritu.
"Munduko beste parte askotan egin da hau", esan du Etxeberriak. Gainera, "Eusko Jaurlaritzaren legitimitatea" duela aitortu du.
Gainera, Jonan Fernandezek esan duenez, "soilik tortura izan dela susmoa badago, demokraziarekin eta giza eskubideekin konpromisoa duen edozein pertsona edo instituziok ikertu beharko luke eta hori berriz ez gertatzeko neurriak jarri behar dituzte".
Bere ustez, horrelako ikerketek "ez dute sistema demokratikoa ezta indar polizialak ahultzen", alderantziz, "beraien legitimitatea eta konpromisoa indartzen" omen dute.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.