ANC: 'Independentzia lortzea Konstituzioa aldatzea baino errazagoa da'
Carme Forcadell Kataluniako Batzar Nazionaleko (ANC) presidenteak uste du errazagoa dela Kataluniaren independentzia lortzea, Espainian Estatu federala ezartzeko Konstituzioan egin beharreko erreforma abiatzea baino. Izan ere, erreformak ez dauka behar den adina, eta bai, ordea, independentziak, Forcadellen esanetan.
EFE agentziarekin izandako elkarrizketa batean esan duenez, "independentzia lortzea errazagoa da, katalanen borondatea, besterik behar ez duelako. Eta gero eta gehiago dira bere Estatua propioa nahi dutenak".
Alfredo Pérez Rubalcaba PSOEren liderrak proposatu duena bezalako erreformaren gainean, berriz, esan du, "hain da zaila, bideragarria ere ez da. Eta ez da bideragarria” -zehaztu du- “Kongresuaren bi herenen baiezkoa behar duelako aurrera egiteko, eta PP ez dago ados. Hortaz, ez du behar adina babes. Baina gainera, ezin dugu ziurtatu PSOEren barruan ere estatu federala bultzatzeko adostasunik egongo den. Gainera, bi alderdi horiek ez dute onartzen katalanen erabakitzeko eskubidea ".
PSOEren federalismo simetrikoarekin, aldaketarik ez
Forcadellen arabera, “PSOEk defendatzen duen federalismo simetriko horrek, ‘denek berdin’ premisaren azpian, ‘kafea guztientzat’ filosofiari eustea dakar”. Beraz, “ez litzateke uniformizazio prozesua etengo, eta Katalunia behartuta egongo litzateke, berdin-berdin, independentzia bilatzera, bere nortasuna gordetzeko ".
Ikuspegi horren aurrean, ANCren presidenteak uste du azaroaren 9ko galdeketan "bai eta bai" aukerak irabaziko duela (bai, Katalunia Estatu izateari; eta bai, Estatu hori independente izateari). Forcadellen iritziz, "bai" eta "ez" aukerak gizarte katalanean babes txikia du (bai, Estatu propioa izateari, baina ez, independentziari). "Jendeak uste du aukera horrekin denak berdin jarraituko lukeela, Estatuaren aldetik ez baitago Kataluniak onartzeko moduko proposamen federalik ".
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.