Josu Bergarak ez du kargua utziko, baina barkamena eskatu du
Josu Bergara (EAJ) Sestaoko alkateak barkamena eskatu du gaur, eta egindako adierazpenak "desegokiak" direla erantsi du. Herrian segurtasun eza sortzen duten "gaizkileetaz" mintzatzen ari zela azaldu du Bergarak, eta ez erroldatu nahi diren ijitoetaz eta etorkinetaz.
Alkateak agerraldia egin du udaletxean. Bergarak adierazpen instituzionala irakurri du gertatutakoa azaltzeko, baina ez du galderarik onartu.
"Argitaratu diren adierazpenak desegokiak direla onartzen dut. Ezagutzen didanak zintzotasunez esaten dudala badaki. Barkamena eskatzen dut", ziurtatu du Bergarak. Dimisioa aurkezteko aukera baztertu du alkateak.
"Egun gogorra" dela aitortu du alkateak. Adierazpenak "desegokiak" izan zirela "onartu" du, eta horregatik, "barkamena" eskatu du.
Hala ere, kriminaltasunaren arazoa aipatu du Bergarak agerraldian. Horrela, grabaketan "kakaz hitz egiten" duenean "gaizkileetaz" ari dela argudiatu du alkateak. Hala eta guztiz ere, hitz "desegokiak" direla esan du.
Manipulazioa
Bestalde, grabaketa duela urtebete egin zutela azaldu du. Bergararen hitzetan, grabaketa "manipulatu" egin dute.
Alkatearen arabera, grabaketa "editatu eta manipulatu" dute. Adierazpenak eraikuntza-enpresetako arduradunekin izandako "bilera tirabiratsuan" egin zituela gaineratu du, "Sestaon 'patera etxebizitza' gehiago saihestu nahi zituelako".
Josu Bergara (EAJ) Sestaoko alkatea. Argazkia: EFE
Bergararen ahotan, etxebizitza horietan "familia osoak pilatzen dira, onargarriak ez diren baldintzetan".
"Sestaora etorkizun duina izatera ez datozen pertsonek aprobetxatzen dituzte etxebizitza horiek kasu batzuetan, elkarbizitza aztoratu eta segurtasun eza sortzen dute, eta herri guztia keztatuta dago, baita alkatea ere", azpimarratu du.
Sestao "herri solidarioa da eta pertsona ugari besoak zabalik hartu eta hartuko ditu", nabarmendu du Bergarak.
"Gizalegezko Sestao anitza eta langilea nahi dugu. Lapurtzera, askatasuna, bakea eta elkarbizitza hertsatzera datozenak ez ditugu onartuko", ohartarazi du.
Sestaok langabezia handia eta segurtasun eza arazo ditu. Horregatik, "laguntza" eskatu du Bergarak, baina "ez immigrazioaren auka, delinkuentziari aurre egiteko baizik".
Tentsioa
Prentsaurrekoa amaitu eta gero, alkatea jarraitzaileen txalo eta besarkaden artean atera da udaletxetik.
Metro gutxira manifestari talde batek Bergararen aurkako oihuak bota ditu, 'alkate arrazistak kanpora' zioen pankarta batekin. Tentsio uneak bizi izan dira.
Manifestari taldea udaletxearen kanpoaldean. Argazkia: EFE
Arazo gehien dituen auzoa Txabarri da Sestaon, Bizkaiko Labe Garaiak zeuden tokian. Auzo horretako bizilagunek elkarretaratzea egin dute udaletxearen aurrean, arratsaldean. Elkarretaratzea aspaldi deitu zuten auzoko bizilagunek. Hala ere, alkateari babesa eman diote Txabarriko bizilagunek.
Zortzi pertsonak, bost familia eta beste bi lagun, Sestaoko alkatearen aurkako salaketa bat jarri dute gaur Barakaldoko Auzitegian, etorkinak eta ijitoak ez erroldatzea, prebarikazioa edota neurri "baztertzaileak" hartzea egotzita. Bizkaiko Sos Arrazakeria elkartearen laguntzarekin jarri dute salaketa.
Sestaoko alkateari prebarikazioa eta arrazakeria egotzi diote, pertsona horiek, etorkinak izateagatik, ez erroldatzeagatik.
SOS Arrazakeria
Nekane Garcia Sos Arrazakeriako bozeramaileak azaldu duenez, afera 2012. urtean hasi zen eta, hasiera batean, Bergararekin konpontzen saiatu ziren.
Alkateak bere horretan jarraitu zuenez, salatzaileek Arartekoarengana jo zuten. Horrek, alkateari eskatu zion pertsona horiek erroldan sartzeko, baina Bergarak ez zituen Arartekoaren gomendioak jarraitu eta, horrenbestez, bide administratiboarekin eta Estatuko Estatistika Institutuarekin saiatu ziren.
Aurkeztutako salaketarekin batera, froga moduan, alkateak higiezinekin egindako bi bileratako audioak ere entregatu dituzte. Grabazio horietan, legea "egunero" hautsi egiten duela onartzen du Josu Bergarak.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.