Ahal Duguk dio urte eta erdi barru prest egon daitekeela gobernatzeko
Pablo Iglesias Podemos-Ahal Dugu alderdiko buruak dio urte eta erdi barru prest egon daitezkeela gobernatzeko, ''kasta-alderdietako'' ordezkariak baino jende ''trebatuagoarekin''. Espainiaren egoera hobetzeko eta ''politika munduko taula goitik behera'' aldatzeko gai izango direla uste du Iglesiasek.
Hala adierazi du Madrilen, alderdiko gainerako eurodiputatuekin batera, eskainitako prentsaurrekoan. Agerraldi horretan Europako hauteskundeetako emaitzak baloratu dituzte. ''Zinikoak garaitu ditugu'', esan du. Hala ere, Iglesiasek adierazi du emaitza itxaropentsua dela, ''baina ez nahikoa''.
"Oraindik ez dugu gure helburua lortu. Ez ginen jaio pasadizozko alderdia izateko bakarrik. Aldaketa politikoan parte hartzeko sortu ginen'', esan du. ''Norabidea aldatzeko garaia da'', azpimarratu du.
Iglesiasek dioenez, hauteskunde hauek agerian utzi dute babes sozial handia dutela, eta herritar asko Ahal Dugu alderdiak defendatzen duenarekin bat datozela.
Villarejok eserlekua utziko du ustelkeriaren kontrako zuzentaraua aurkeztu ostean
Carlos Jimenez Villerejo ustelkeriaren kontrako fiskal ohiak Ahal Dugu alderdiarekin lortutako Europako eserlekuari uko egingo dio, alderdiak bertara eraman nahi duen ustelkeriaren kontrako zuzentaraua aurkeztu ostean.
Europako hauteskundeetarako Ahal Duguren zerrendan hirugarren dago Villarejo, eta bere izena darama zuzentarauak. Iglesiasek gogoratu duenez, aurretik iragarri zuen arrazoi pertsonalengatik eserlekua utziko zuela, proiektua aurkeztu ostean.
Erretako edukiontziak
Bestalde, Bartzelonako Can Vies erakinaren inguruan piztutako istiluen inguruan ere galdetu diote Iglesiasi, eta Ahal Dugu alderdiko buruak esan du erretako edukiontzien irudiak ez zaizkiola inori gustatzen.
"Sutan dauden edukiontzien irudia ez zaigu gustatzen, baina arazoa ez da horiek sutan erretzea. Arazoa da jendea egotea edukiontzietan janari bila'', esan du Pablo Iglesiasek.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.