Milaka lagun kalera irten dira, errepublikaren alde
Estatu osoko hirietan elkarretaratze jendetsuak egin dituzte astelehen honetan errepublikaren eta monarkiaren inguruko erreferendumaren alde, Juan Carlos I.a erregeak Koroari uko egitea erabaki ostean. Besteak beste, Madrilen, Bartzelonan, Sevillan, Valentzian, Bilbon, Donostian, Gasteizen eta Iruñean egin dituzte protestak. Parisen, Bruselan, Porton eta Berlinen ere elkarretaratzeak egon dira.
Hainbat gizarte eragilek eta alderdi politikok deitu dituzte elkarretaratzeak, tartean Izquierda Unidak, Alternativa Republicanak, Ahal Duguk, Equok eta ERCk. Euskal Herrian, EH Bilduk ere deialdia egin du.
Elkarretaratzerik jendentsuena Madrilen izan da, Sol plazan. Bertan, 10.000 lagun bildu dira, Poliziaren datuen arabera. Gobernuak bertan duen Ordezkaritzari ez zaio deialdiaren inguruko baimenik iritsi, eta, beraz, ''legez kanpokoa'' zela ohartarazi dute.
Hala ere, lasaitasunean joan da ekitaldia, bandera errepublikanoz jantzita. Besteak beste, Izquierda Unidako Cayo Lara eta Equo alderdiko Juan Lopez de Uralde izan dira bertan.
Beste hiri batzuk
Bartzelonan, berriz, 5.000 lagun elkartu dira Katalunia plazan, Udaltzainen arabera. Bandera errepublikanoekin batera, ''A9: Bozkatu nahi dugu'', leloa zuten pankartak ere erakutsi dituzte, galdeketari erreferentzia eginda.
Estatuko beste hainbat hiritan ere kalera irten dira hainbat herritar; Tarragonan, Gironan, Lleidan, Sevillan, Alacanten, Zaragozan, Granadan, Salamancan eta Burgosen, besteak beste.
Euskal Herria
Euskadiko hiru hiriburuetan ere 3.000 bat pertsona bildu dira, EH Bilduk eta errepublikaren aldeko kolektiboek deituta.
Ekitaldirik jendetsuena Bilbon izan da, bertan 2.000 bat pertsona elkartu baitira Arriaga Plazan. EH Bilduk deitutako ekitaldia izan da hasieran, independentziaren aldeko pankartarekin. Bertan izan dira, besteak beste, Maribi Ugarteburu eta Oskar Matute. Ordu erdi geroago, EH Bilduko deialdiari talde errepublikanoena gehitu zaio, ''Errepublikaren alde'' lelopean.
Donostian eta Gasteizen ere protestak izan dira. Donostiako ekitaldian 200 bat lagun bildu dira; Hasier Arraiz, Joseba Permach eta Joseba Alvarez, tartean. Gasteizen, berriz, 300 bat pertsona elkartu dira, EH Bilduren deialdian. Ondoren, jende gehiago batu da bertara, eta, Bilbon eta Donostian bezala, errepublikaren aldeko oihuak egin dituzte.
(Bilboko ekitaldiaren irudia)
Iruñean, 500 bat lagun elkartu dira, Merindadeen plazan. Bertan bildutakoen artean, Izquierda-Ezkerrako eta Geroa Baiko ordezkariak izan dira.
90.000 sinadura erreferenduma eskatzeko
Ia 90.000 pertsonak sinatu dute monarkiaren eta errepublikaren artean aukeratzeko erreferenduma antolatzearen alde Interneten. 19:00etarako, 74.000 sinadura jaso ditu Avaaz.org-ek herritarrei ahotsa emateko, eta Change.org-en 12.200 bat bildu dituzte ordurako.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.