Honelakoa izango da erregearen abdikazio prozesua
Juan Carlos I.a Espainiako erregeak Koroari uko egin eta gero, Espainiako Gobernuak lege organiko bat onartuko du astearte honetan, abdikazioarekin aurrera jarraitzeko eta Felipe VI.a horren semea errege bihurtzeko.
Izapide instituzionalak gaurtik, Juan Carlosek iragarpena egin duenetik, Felipe XVI izendatzen duten arte, hiru astetik seira luzatuko da, Errege Etxearen kalkuluen arabera.
Izan ere, Konstituzioaren arabera, abdikazioak lege organiko baten bidez araututa egon behar du, baina lege hori ez da existitzen oraindik, eta demokrazia garaian ez dago uko egiteen aurrekaririk. Hauxe da, hain zuzen ere, Konstituzioaren 57.5. artikuluak ezartzen duena: "Koroaren oinordetza-hurrenkerari dagokionez, abdikazioa, uko-egitea edo egitezko nahiz zuzenbideko edozein zalantza gertatzen bada, hori lege organikoaren bidez erabakiko da".
Mariano Rajoy Espainiako Gobernuko presidentearen esanetan, artikulu hori oinarri gauzatuko dute oinordetza, baina adituek interpretazio ezberdinak egiten dituzte legearen aurrean.
Leandro Martinez Cardos legelariaren ustez, baliteke lege organikoak bi artikulu baino ez izatea: lehenengoa, abdikazioa onartzeko, eta, bigarrena, ukoa Estatuko Aldizkari Ofizialean publikatu eta hurrengo egunean sartuko dela indarrean ezartzeko.
Gorteetan, lege organikoa irakurketa bakarraren prozedurarekin izapidetuko dute segur aski, prozesua bizkortzeko. Gehiengo osoa beharko da Kongresuan.
Mahaiak ezarriko ditu epeak
Lege organikoa onartu eta gero, Gobernuak Kongresura igorriko du, izapidea has dadin. Lehenik eta behin, Behe Ganberako Mahaiak kalifikatu egin beharko du, eta zuzenketak aurkezteko epea hasiko da.
Ondoren, osoko bilkurak eta Konstituzio Batzordeak eztabaida egingo dute. Prozesua Senatuan ere errepikatuko dute.
Dena dela, prozesua azkarra izango da. 2011 urtean, PSOEk eta PPk bi astean erreformatu zuten Konstituzioa, defizit mugen aipamena gaineratzeko.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.