Autodeterminazioa aldarrikatzeko eskatu dio Arraizek Urkulluri
Hasier Arraiz Sorturen presidenteak euskal herritarren erabakitzeko eskubidea aldarrikatzeko eskatu dio Iñigo Urkullu lehendakariari, erregearen abdikazioaren ostean "Monarkiarekiko itun" historikoei edo "Euskadiri Estatuan beste toki bat" emateko "mezu nahasiak" zabaldu beharrean.
"Hitz horiek soberan daude", adierazi du Arraizek Radio Euskadin egindako elkarrizketa batean. Izan ere, bere ustez, Espainiako Monarkiak "jatorri frankista duen eta Euskal Herria ukatzen duen sistema bat betikotzen du".
Diputatuen Kongresuan abdikazioa arautzen duen legea eztabaidatuko dela eta, Arraizek esan du "errespetatu" egiten duela EAJk abstentzioa emateko hartu duen erabakia, baina horrek "ez bustitzea" suposatzen omen du. Amaiurrek eztabaidan parte hartuko duela, baina "euskal herritarrei ez dagokien erabakia" denez, ez duela bozkatuko gogorarazi du.
Autodeterminazioaren inguruko eztabaida "lokartu eta mantsotu" nahi izatea leporatu dio Arraizek EAJri, "Eusko Legebiltzarreko areto batera baztertu" duelako, autogobernuari buruzko lantaldeari erreferentzia eginez.
Gobernuak atzera bota ditu presoen Euskal Herriratzeko eskariak
Bestalde, Hasier Arraizek salatu du Espainiako Gobernuak errefusatu egin dituela euskal preso batzuek Euskal Herriko kartzeletara joateko egindako eskariak, eta dagoeneko jakinarazi dietela erantzuna presoei. Gainerako presoak erantzuna jasotzeko zain omen daude. Presoek hil honen bukaeran amaituko dute gerturatzeko eskariak egiten.
"Nik dakidala, ekainean amaituko du Euskal Preso Politikoen Kolektiboak (EPPK) Euskal Herriko kartzeletara joateko eskarien prozesua", adierazi du alderdi abertzalearen buruzagiak.
Arraizek azpimarratu du Barne Ministerioak dagoeneko erantzun diela preso "batzuei", eta erantzuna "ezezkoa" izan dela.
Aurreko otsail erdialdean, EPPK-k iragarri zuen Euskal Herriko kartzeletara joateko eskariak egiten hasiko zirela banan-banan, prozesu "mailakatu" baten bitartez; izan ere, lehenengo eskariak gaixorik dauden 16 presorenak eta 70 urtetik gorakoenak izan ziren.
EPPK-k egindako kaltea onartu ostean iritsi zen Euskal Herriratzeko eskarien erabakia.
Albiste gehiago politika
Gastu militarrera % 2,1 bideratuko duela berretsiko du Sanchezek NATOren goi-bileran, presioak presio
Aliantza Atlantikoa osatzen duten 32 herrialdeetako ordezkariak Hagan elkartuko dira gaur eta bihar. Orotora, 45 estatuburu eta gobernuburu espero dira. Bigarren aldiz AEBko presidente kargua hartu zuenetik, lehen aldiz joango da Trump goi-bilerara.
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.