Euskadiko PPk Garoñaren irekiera ez baimentzea eskatu dio Gobernuari
Euskadiko PPko legebiltzarkide guztiek Gasteizeko Ganberan testu bat babestu dute, Espainiako Gobernuari Garoñako (Burgos) zentral nuklearra berriro irekitzeko lizentzia ez baimentzea eskatuz.
Ekimen hau EAJ, PSE-EE, EH Bildu eta PP alderdien babesarekin onartu dute; UPyD abstenitu egin da.
"Alderdi popularrak, Euskadiko PPk, Ganbera honetan lehen aldiz batera Garoñako zentral nuklearra behin betiko ixtea eskatzea bozkatuko du", iragarri du Javier Maroto Gasteizeko alkateak eta legebiltzarkideak, eztabaidaren amaieran.
Era horretan, PP guztiak bat egin du PSEren eta EAJren artean egindako testuarekin, horren arabera, Eusko Legebiltzarrak "euskal instituzioek, eta, batik bat Arabakoak, egindako adierazpenekin koherentzian, bizitza erabilgarriaren jarraitasunaren aurkakoak", Mariano Rajoyren Gobernuari Burgoseko zentrala berriro irekitzeko lizentzia berria ez baimentzea eskatu dio. Zentrala 2012ko abendutik geldituta dago, eta Gasteizetik 40 kilometrora aurkitzen da.
Orain arte, Eusko Legebiltzarrean egindako eztabaidetan, Gasteizeko alkatea izan da Garoña behin betiko ixtearen alde agertu den bakarra, eta bi alditan ez du bat egin gai honi buruz gainerako popularrek izandako jarrerarekin.
Babes-eskaera Europako Batzordeari
Gaur onartutako testuak Gasteizeko Ganberak Europako Batzordeari babesa eskatuko diola dio, Garoña irekitzeko baimen hipotetiko bat emanez gero prozedura berrikusteko, eta Fukushimaren ostean ezarritako segurtasun eskaerak betetzen direla ziurtatzeko.
"Zaila ez da gauzak esatea, horiek sinestea eta ondorioekin jardutea baizik", azaldu du Marotok. Halaber, gaur hartutako jarrera "guztiz" eskertu die alderdiko kideei, eta, hori "oso ondo ulertzen da kalean, bereziki Araban eta Gasteizen", gaineratu du.
Berriro irekitzearen baldintza
Maiatzean, Nuclenorreko Administrazio kontseiluak Industria, Energia eta Turismo Ministerioari Garoña berriro irekitzeko baimena berritzea eskatu zion, Burgoseko zentralak funtzionamenduan hirurogei urte egin arte, hau da, 2031era arte.
Jose Manuel Soria Industria, Energia eta Turismo ministroak zentralaren irekiera Segurtasun Nuklearreko Batzordearen oniritzian baldintzatu du. "Litekeena da" txostena urtebete barrura arte amaituta ez egotea.
Zure interesekoa izan daiteke
Sanchezek iragarri du Carlos Cuerpo izango dela Maria Jesus Monteroren ordezkoa lehen presidenteorde gisa
Orain arte lehen presidenteordea eta Ogasun ministroa izan dena Gobernutik atera da Andaluziako Juntako presidentegai sozialista izateko.
Irango gerraren ondorioen aurkako neurrien dekretua onartu dute Kongresuan
Neurri ekonomikoek 5.000 milioi euro mobilizatzea aurreikusten dute. Voxek bakarrik bozkatu du kontra, eta PPk eta Podemosek abstentziora jo dute.
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete; Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.