Kartzelatu egin dute Barajasen atxilotutako ETAko ustezko kidea
Pablo Ruz Auzitegi Nazionaleko epaileak Maria Jesus Elorza Zubizarreta ETAko ustezko kidea baldintzarik gabe kartzelatzea agindu du. Atxilotuak baztertu egin du Espainiak Frantziara estraditatzea (Estatu horretan hiru urteko espetxe zigorra bete behar du).
Elorzak epaile aurrean azaldu zuenez, Venezuelatik Madrilera zihoala bazekien atxilotu egingo zutela, baina, 65 urte dituenez, bere egoera erregularizatu nahi duelako erabaki zuen bidaia hori egitea.
1980ko hamarkadan hil zituzten Estatuko Segurtasun Indarretako kide batzuen hilketekin lotu du Barne Ministerioak atxilotua, eta 1984tik klandestinitatean zegoela esan du.
Fernandez Diazek zuzentzen duen Ministerioaren arabera, Elorzak 'Donosti' komandoari laguntza eman zion, eta 1996an Venezuelara alde egin zuen, Jose Antonio Aguirre Lete eta Petra Elser atxilotu ostean, Elorzaren argazkia zuten zenbait agiri atzeman baitzieten.
Atzo, igandea, atxilotu zuten, 07:30ean, Adolfo Suarez Madril-Barajas aireportuan, Frantziako Justizia agintariek hura atxilotzeko emandako agindu bati jarraituz, talde terroristako kide izatea egotzita hiru urteko espetxealdia bete zezan.
Atxilotutakoa Elgoibarren jaio zen, 1948an, eta 1984tik klandestinitatean omen zegoen, 'Donosti' komandoa desegin eta gero, polizia-iturrien arabera.
Komando hori aritu zen urteetan, zenbait atentatu egin ziren Gipuzkoan, gehienbat Estatuko Segurtasun Indarretako kideen kontra.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.