PPk independentzia nahi ote duen argitzea eskatu dio EAJri
Nerea Llanos EAEko PPko idazkari nagusiak Euskadirentzat duen proiektua independentzia ote den argitzeko eskatu dio EAJri.
Radio Popular irrati katean egindako elkarrizketa batean, Llanosek hizpide hartu du atzo erabakitzeko eskubidearen alde Durango eta Iruñea lotu zituen giza katea, eta erabakitzeko eskubidea, "berez", herritarrek hauteskunde guztietan gauzatzen dutela adierazi du.
EAJko hainbat burukidek giza katean parte hartu izana ere aztertu du: "Bilduk argi eta garbi esaten du [independentziaren aldekoa dela], baina atzo EAJ ere bazegoen [giza katean], jeltzaleak Bilduri eta Kataluniari begira daude, eta euren proiektua zein den zehaztu behar dute; horregatik proposatu dugu Legebiltzarrean saio monografikoa egitea".
EAEko PPko popularren idazkari nagusiak "errespetatu" egiten du atzoko mobilizazioa, baina "gehiengoa" ez dela independentziaren aldekoa iritzi dio.
Nerea Llanosen ustez, alderdi jeltzalean EH Bilduren estrategiak "baldintzatuta" eta "iraganera" begira daude.
Albiste gehiago politika
Gamarrak PPko idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak, alderdiaren Justizia arloa zuzenduz ziurrenik. Miguel Tellado, PPk Kongresuan duen bozeramailea, Gamarra ordezkatzeko hautagaietako bat da.
Honako zantzuak ikusten ditu epaileak Cerdanek “egozten zaizkion gertakarietan” parte hartu zuela uste izateko
Ikerketa egiten ari den Leopoldo Puente epailearen iritzian, buruzagi sozialista ohia zen “eraikuntzako enpresei dirua eskatzeaz arduratzen” zena. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du, dirua jaso ondoren, haiei ematen ziela.
Sanchezek dio irmotasunez jokatu zutela Cerdanekin eta orain justiziaren garaia dela
Alderdiak erantzukizun politikoak bere gain hartu zituela eta Cerdan alderditik baztertu zutela azpimarratu Espainiako presidenteak. Ikuspuntu politikoaren harira, PSOEren jarrera beste alderdi batzuen "oso bestelakoa" dela esan du. Feijook Sanchezen dimisioa eta hauteskundeak aurreratzea eskatu du berriro.
EAJk "oso zorrotz" errefusatu egin ditu "Cerdan-Abalos-Koldo auziarekin" lotzeko saiakerak
Alderdi jeltzaleak argitu duenez, zentsura-mozioa babestu zuen Gurtel auziko epaiaren ostean, PPk ez zuelako erantzukizunik bere gain hartu, baina Antxon Alonsok ez zuen horretan eraginik izan.
Santos Cerdan behin-behinean espetxera bidali du Auzitegi Gorenak
Autoaren arabera, Cerdanek jasotzen eta banatzen zituen legez kanpoko eskupekoak. Bera omen zen enpresekin bitartekari aritzen zena. PSOEko buruzagi ohia Madrilgo Soto del Real presondegian espetxeratu dute dagoeneko.
Chivitek azpimarratu du UCOren txostenak ez duela Belateko tunelen obren esleipena aipatzen
Nafarroako presidenteak, UPNren eta PPNren galderei erantzunez, gogorarazi du Nafarroako Kontuen Ganberaren txostenean ere ez zela zalantzan jarri esleipena.
Jaurlaritzak 31 lan-saio egingo dituela iragarri du, Euskadiko segurtasun integralari buruz hausnartzeko eta eztabaidatzeko
Eusko Jaurlaritzak sustatutako Basque Segurtasuna Foroak bere bidea hasi du, segurtasun integralari buruzko hausnarketa eta diagnostiko partekatua lantzeko helburuz. Lehen lan-saioa datorren uztailaren 9an izango da, Sodupen (Gueñes).
Cerdanek eskupekoak jaso izana ukatu du, eta esan du jazarpenaren biktima dela EAJrekin eta EH Bildurekin negoziatzeagatik
PSOEko Antolakuntza idazkari ohiak Auzitegi Gorenean deklaratu du astelehen honetan. Ustelkeriaren Aurkako Fiskaltzak Leopoldo Puente magistratuari eskatu dio Cerdan behin-behinean espetxeratzea, fidantzarik gabe.
Bengoetxea: "Gobernu honek ez ditu inoiz lotuko segurtasuna eta migrazioa"
Gaur Bilbon abiatu den Basque Segurtasun Foroaren harira, Imanol Pradales lehendakariak esandakoak —"egiten duenak ordaindu egingo du", hain zuzen— argitu ditu Ibone Bengoetxea Eusko Jaurlaritzako lehenengo lehendakariordeak eta Kultura eta Hizkuntza Politika sailburuak. "Segurtasun integralaz ari gara", azaldu du.
Eusko Jaurlaritzak bere gain hartu du atzerritarren lan-baimenen kudeaketa
Euskadik migratzaileen lan-baimenekin lotutako eskumen berriak kudeatuko ditu astearte honetatik aurrera; helburua integrazioa erraztea eta administrazio-izapideak arintzea da.