Tomas Madina ETAko ustezko kidea Madrilera eraman dute
Guardia Zibilak Tomas Madina atxilotu du gaur goizaldean Galdakaon (Bizkaia), ETAko kide izatea egotzita, Espainiako Barne Ministerioak jakinarazi duenez. Atxiloketa 03:00etan egin dute, haren etxean.
Guardia Zibilak Tomas Miguel Madinaren lantokiko eta etxebizitzako erregistroak amaitu du, baita baserriarena ere. Uneotan Madrilera eramaten ari dira, eta asteazkenean jarriko dute Auzitegi Nazionaleko 6 zenbakiko Instrukzio Epaitegiaren esku.
Terrorismoaren aurkako iturriek azaldu dutenez, agenteek ikuskapen lanak amaitu dituzte. Goizeko 03:00etan hasi dituzte, atxiloketarekin batera, Galdakaon (Bizkaia).
Iturri horien arabera, 2011 urtean ETAk indarkeriaren amaiera iragarri baino lehen Patxi Lopez lehendakaria eta Rodolfo Ares horren Herrizaingo sailburua hiltzen saiatu omen zen Otazua taldearekin lotura du atxilotutakoak.
Atentatua ETAko biktima baten hiletan egin nahi ei zuten, eta, ustez, Madinak tiratzaile lanak egin behar zituen.
Bestalde, atxilotutakoaren etxea ez ezik, agenteek Lagun Aro aseguru-etxearen bulego bat ere miatu dute, bertan egiten baitu lan. Guardia zibilek hainbat kutxa eta ibilgailu bat eraman dituzte.
Europa Press agentziaren esanetan, ETAk ukatu egin zuen, 2011. urteko Zutabe batean, Lopezen eta Aresen aurka atentatua egiteko asmorik zuela. ETAren aldizkari horren arabera, Espainiako Gobernuak 2010. urteko otsailetik zekien atentatu gehiago egiteari uko egin ziola.
"ETAren amaierarako beste pauso bat"
Barne Ministerioaren ustez, atxiloketa "beste pauso bat" da ETAren "amaierako bide atzeraezinean".
Hain justu, erakunde armatuak Espainiako Estatuan dituen azpiegiturak guztiz desegiteko urrats garrantzitsua dela adierazi du.
Otazua taldeko kideak, espetxean
Auzitegi Nazionalak 45 urteko espetxe zigorra ezarri zien Otazua taldeko kideei (Iñigo Zapirain, Beatriz Etxebarria eta Daniel Pastor), 2009ko ekainean Eduardo Puelles poliziaburua hiltzeagatik.
Dena dela, hori ez da ETAko kide horiek jaso duten espetxe zigor bakarra. Orotara, milaka urteko zigorra ezarri diete, Luis Conde militarra hiltzeagatik eta Burgosko kuartelaren eta Gabriel Gines bizkartzainaren (larri zauritu zuten) aurka atentatua egiteagatik.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".