Felipe VI.aren gonbidatuak
Espainiako gobernuko ordezkariak, Mariano Rajoy buru zela, eta Kongresuko eta Senatuko diputatu eta senatari guztiak izan dira Felipe VI.aren proklamazio ekitaldian.
Gonbidatuen tribunan, autonomia erkidego guztietako presidenteak izan dira; tartean, Iñigo Urkullu lehendakaria. Estatuko idazkariak eta bestelako agintari politikoak ere bertaratu dira.
Felipe Gonzalez, Jose Maria Aznar eta Jose Luis Rodriguez Zapatero Espainiako presidente ohiak ere izan dira Kongresuko ekitaldian. Urkullu Artur Mas Generalitateko presidentearen eta Alberto Nuñez Feijo Galiziako presidentearen ondoan izan da.
Agintari politikoez gain, Juan Rosell patronaleko buruzagia, Candido Mendez UGTko idazkari nagusia eta Pau Gasol saskibaloi jokalaria ere izan dira.
Bestalde, proklamazio ekitaldira joateari uko egin diotenak ere badira; hala nola, Izquierda Plural taldeko kideak (IU-ICV, EUiA-CHA) eta talde mistoko zenbait alderdi (ERC, Amaiur, BNG, Geroa Bai eta Compromis). Koroatze berri honen aurka daudela eta estatu ereduari buruzko erreferenduma aldarrikatzen dutela adierazi nahi izan dute.
(Felipe Gonzalez, Jose Maria Aznar eta Jose Luis Rodriguez Zapatero. Argazkia: EFE)
Harrera Errege Jauregian
Ohiko agintari politikoez gain, kultur, kirol edo zientzia esparruko pertsona ezagunak izan dira Espainiako errege-erreginek eguerdian Errege Jauregian egin duten harrera-ekitaldian.
Alejandro Amenabar zinemagilea, Pablo Alboran kantaria, Rafael Nadal tenis jokalaria, Nacho Duato dantzaria eta Rafael Moneo arkitektoa daude 2.000 gonbidatuen artean.
Estrella Morente flamenko kantaria eta haren senar Javier Conde toreatzailea; Emilio Aragon umorista; Juan Manuel Caballero Bonald, Juan Marse, Ana Maria Matute eta Antonio Muñoz Molina idazleak; Imanol Arias, Ana Duato eta Carmen Machi aktoreak; eta Antoni Brufau (Repsol), Isak Andic (Mango), Emilio Botin (Banco Santander) eta Esther Alcocer Koplowitz enpresariak ere badaude gonbidatuen artean.
Jose Padilla eta Jose Maria Manzanares toreatzaileak; Mireia Belmonte igerilaria; Marc Marquez eta Dani Pedrosa moto GPko pilotuak; eta Miguel Indurain txirrindulari ohia ere gonbidatu dituzte harrerara, besteak beste.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.