Honela jarraitu dugu Felipe VI.a erregearen proklamazioa
13:35 Espainiako errege berria Mariano Rajoyrekin aurreneko bilera egingo du bihar, goizeko 9:00etan.
13:20 Lehendakaritzatik argitu dutenez, Urkulluk Felipe eta Letizia txalotu egin ditu Kongresura sartu direnean, terrorismoaren biktimak aipatu dituenean eta hitzaldia amaitzean. Ondoren, Felipe eta Letizia agurtu eta erregea zoriondu egin du.
13:05 Hasi da Erregetza aretoan 2.000 gonbidaturentzat antolatutako ekitaldia. Felipe VI.ak eta Letiziak banan-banan agurtu dituzte gonbidatuak.
12:42 Felipe VI.a eta Letizia errege-erreginak, Juan Carlos I.ak, Sofiak eta bi infantek herritarrak agurtu dituzte Errege Jauregiko balkoitik.
12:25 Errege Jauregira iritsi dira Felipe eta Letizia. Bertatik, herritarrak agurtuko dituzte eta, ondoren, 2.000 gonbidaturentzat harrera ekitaldia egingo dute.
12:21 Errege-erreginek egingo duten harrera ekitaldira hainbat aurpegi ezagun joango dira: Alejandro Amenabar, Pablo Alboran, Rafa Nadal, Nacho Duato, Rafael Moneo, Estrella Morente, Emilio Aragón, Imanol Arias, Ana Duato edota Carmen Machi, besteak beste. Enpresa-buruen artean, Antoni Brufau (Repsol), Isak Andic (Mango), Emilio Botín (Santander) eta Esther Alcocer Koplowitz joango dira.
12:00 Behin ekitaldia amaituta, Felipe VI.a eta Letizia deskapotagarri batean Madrileko kaleetatik ibilbidea egin dute. Milaka lagun pilatu dira Madrileko Oriente Plazan. Bertatik, errege-erreginen agurra ikusiko dute.
11:50 Errege-erreginek gonbidatuak agurtu dituzte, proklamazio ekitaldia amaitu ondoren. Banan-banan, Botere Judizialeko eta Gobernuko kideak hartu dituzte, baita Parlamentuko taldeetako kideak, Gobernuko presidente ohiak edota erkidegoetako presidenteak ere. Artur Mas Kataluniako presidentearekin eta Iñigo Urkullu lehendakariarekin solasaldi laburra egin du Felipe Vi.ak.
11:21 Felipe VI.ak gazteleraz, euskaraz, katalanez eta galizieraz eskerrak eman ditu hitzaldia amaitzeko. "Muchas gracias. Moltes gràcies. Eskerrik asko. Moitas grazas", izan dira Felipe Vi.a errege berriaren azken hitzak. Ondoren, txalo-zaparrada luzea jaso du.
11:13 Espainiako batasunean sinestu egiten duela adierazi du erregeak. Bertan, "denek tokia daukatela" gaineratu du.
11:09 Terrorismoaren biktimak gogoratu ditu Felipek. "Guztion askatasuna" defendatzeko bizitza galdu edota sufritu zutenak omendu ditu bere hitzaldian. Alderdi politikoei "interes ororreko gaietan" elkarlanean aritzeko eskatu die.
11:03 Herritarren errespetua, konfiantza eta maitasuna irabazteko, Koroak jarrera "zintzoa eta gardena" izan behar duela esan du Felipe VI.ak.
10:49 Konstituzioaren zina egin du Felipe VI.ak. Aurretik, Gorteek Espainiako errege aldarrikatu dute.
10:43 Hasi da Kongresuan Felipe VI.aren koroatze ekitaldia. Jesus Posadak ireki du ekitaldia. Gorteetako ordezkariek txalo-zaparrada eman diete Felipe eta Letiziari.
10:30 Gasteizen, EH Bilduko legebiltzarkideek ikurriña bat jarri dute Iñigo Urkullu lehendakariaren eserlekuan. Lehendakaria Felipe Vi.aren koroatzean egotea kritikatu dute.
10:26 Felipe VI.a eta Letizia erregina Diputatuen Kongresura iritsi dira. Lurreko armadaren uniformea jantzita, Mariano Rajoy Espainiako presidenteak hartu du Felipe erregea.
10:15 Sofia erregina eta Elena infanta goizeko 10:15etan iritsi dira Kongresura.
10:11 Mila bat lagun daude Oriente Plazan dagoeneko. Bertatik, errege-erreginen agurra ikusteko aukera izango dute, Felipe VI.aren koroatzea amaitu ondoren.
10:05 Errege-erreginak Zarzuelatik atera dira dagoeneko. Rolls Royce batean joango dira Kongresura. Atzetik, bigarren ibilgailu batean, Felipe eta Letiziaren alaba biak doaz.
09:45 Mariano Rajoy Espainiako presidentea Kongresura iritsi da, proklamazio ekitaldian parte hartzeko.
09:30 Zarzuela Jauregiko Audientzien Aretoan, Juan Carlos erregeak kapitain nagusiaren gerrikoa jarri dio semeari. Felipe printzeak Lurreko Armadaren uniformea zuen. Hunkituta gerrikoa jarritakoan, elkar besarkatu dute, eta, ondoren, Felipe VI.ak senideak agurtu ditu: Letizia, bi alabak, Sofia erregina, Elena infanta eta Felipe Juan Froilan loba.
08:00 Estatuko Segurtasun Indarrek "blindatu" egin dute Kongresua gaur goizean, Felipe VI.a errege berriaren proklamazio ekitaldiari begira. Mila bat pertsona gonbidatu dituzte bertara; errege familiako kideak, parlamentariak, ministroak, erkidegoetako agintariak eta Espainiako Gobernuko presidente ohiak, tartean.
07:40 10:30ean emango diote hasiera proklamazio ekitaldiari, Kongresuan. Emaztea eta alabak ondoan dituela, karguaren zina egin eta bere erregealdiko ildo nagusiak azalduko ditu Felipek. eitb.com-ek zuzenean jarraituko du proklamazio ekitaldia.
04:00 Errege Etxeak bere web orria berriztatu du goizaldean, Juan Carlos I.ak abdikazio legea sinatu ondoren.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.