Urkulluk ez du berritasunik igarri Felipe VI.aren hitzaldian
Iñigo Urkullu lehendakariak ez du estatu ereduaren inguruan "inolako berritasunik" antzeman Felipe VI.ak errege proklamatu ondoren egin duen hitzaldian; izan ere, "ez dio inolako aipamenik egin estatu nazio anitzari eta ezta nazionalitate ezberdinei, baina bai, ordea, subiranotasun nazionalari".
Felipe VI.a errege proklamatzeko Espainiako Diputatuen Kongresuan egin den ekitaldian parte hartu du Iñigo Urkullu lehendakariak eta erregearen hitzaldia entzun du.
Lehendakaritzako iturriek azaldu dutenez, lehendakariak ez du "inolako berritasunik igarri orain arte Estatu ereduaz entzun denarekin alderatuta. Ez dio aipamenik egin estatu nazio anitzari eta ezta nazionalitate ezberdinei ere, baina bai, ordea, subiranotasun nazionalari".
"Besterik gabe Estatuaren aniztasunari keinu egin dion hitzaldia izan da", Lehendakaritzaren iturrien arabera.
Dena den, Euskaditik eskatzen den estatu eredu berriarekiko erregeak duen konpromisoa epaitzeko goizegi dela adierazi du. "Akordioak lortzeko borondatea eta elkarrizketa eskaintzeko garaia da", gaineratu du.
Bilera bat deitzea eskatu dio Urkulluk Felipe VI.ari
Iñigo Urkullu lehendakariak zorionak eman dizkio Espainiako Felipe VI.ari proklamazio ekitaldian eta epe laburrean bilera bat deitzeko eskaera luzatu dio.
Horrez gain, polemika piztu da Urkulluk Felipe VI.aren adierazpen guztiak txalotu ez dituelako. Jaurlaritzako iturriek zehaztu dute lehendakariak hainbat aldiz txalotu duela Espainiako erregearen diskurtsoa, hala nola, Errege Familia Kongresuan sartu denean, ETAk eragindako biktimei aipamena egin dienean eta diskurtsoan bukaeran.
Felipe VI.aren hitzaldia amaitzean, lehendakariak Espainiako errege-erreginak agurtu ditu, baita Leonor eta Sofia alabak ere. Une hori baliatu du Urkulluk Felipe VI.ari bilera eskatzeko.
Lehendakariak uko egin dio koroatzearen ostean egindako desfile militarrera joateari eta bestelako ekitaldietan parte-hartzeari, aurretik iragarri zuen moduan.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.