Luis Barcenasek urtebete egin du gaur kartzelan
Luis Barcenas PPko diruzain ohiak urtebete egin du Soto del Real kartzelan, Madrilen, Suitzako bi bankutan pilatutako 48,2 milioi euroen zati bat nora eraman zuen argitu barik.
Pablo Ruz epaileak 2013ko ekainaren 27an espetxeratu zuen Barcenas, eta bi auzitan auzipetu du: Gürtel auzian eta PPren B kontabilitatea ikertzen duen aparteko auzian. Epaileak kapitalak zuritzea, iruzur fiskala egitea, dokumentuak faltsutzea eta iruzur prozesala egiten saiatzea leporatzen dio.
Rosalia Iglesias emazteari delitu berberak leporatzen dizkiote, funtzionario-eroskeria kenduta.
Barcenas eta emaztearen kontu korronteak, Madrileko etxebizitza eta Baqueirako txaleta enbargatuta daude 2013ko uztailetik, balizko epaiketa baten erantzukizun zibilari aurre egiteko. Erantzukizun hori 43,2 milioi eurokoa izango litzateke Luis Barcenasen kasuan, eta 6 milioi eurokoa emaztearen kasuan. Rosalia Iglesiasek "Coca-Cola erosteko dirurik" ere ez duela adierazi zuen maiatzaren 28an Luis Fraga PPko senatari eta bikotearen lagunak.
Diruaren arrastoa
Bitartean, Barcenasek 2009ko apirila eta ekaina artean Uruguaira egindako hiru transakzioen arrastoari jarraitzen ari zaio. Dirua azpijokoaren arduradunak atxilotu ostean mugitu zuten.
Lehen bi transakzioak, milioi bat eurokoak, Grupo Sur de Valores izeneko sozietate batera mugitu zituzten. Hirugarrena, milioi bat eurokoa hori ere, Lidmel International enpresara mugitu zuten.
Aske geratzeko bost eskaera
Kartzelan eman duen urtebetean, Javier Gomez de Liaño Barcenasen abokatuak bost aldiz eskatu du diruzain ohia aske geratzea; azkena, ekainaren hasieran, Ruzi Gürtel auziaren barnean emandako dokumentazioa ahozko epaiketa batean erabiltzeko eskubidea Suitzako Auzitegi Penalak aztertu behar duela argudiatuta.
Magistratuak eskaera atzera bota zuen asteazkenean, epaiketa egiteko Suitzako dokumentuen beharrik ez duela adierazita.
Ruz epaileak eta Gai Penaletarako Gelak Barcenas aldi baterako kartzela egoeran dute, ihes egiteko arriskua, delituak berriro egitekoa eta frogak deuseztatzearena egotzita. Gainera, bere ondarea agerian uzteko justiziari laguntzarik ez ematea leporatzen dio.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.