Mendia: 'Ona litzateke Madrilgo exekutiban Euskadiko ahots bat izatea'
Idoia Mendia PSE-EEko idazkari nagusi berria izateko hautagaiak esan du "garrantzitsua" litzatekeela PSOE berriaren exekutiban Euskadiko "ahots bat izatea" eta, horren harian, Patxi Lopez "aktibo politiko oso garrantzitsua" dela azpimarratu du.
Hala ere, Euskadi Irratiari eskainitako elkarrizketan, Mendiak esan du idazkari nagusi aukeratzen badute, Pedro Sánchez PSOEko agintari berriarekin "harreman zuzena" izango duela, hemen ditugun kezkak eta kexak berari zuzenean planteatzeko".
Asteburuan Pedro Sanchez aukeratzeko egingo duten biltzarrari begira, Mendiak nabarmendu du PSOEk bere exekutiba berriarekin asmatzen baldin badu "denontzat ona" izango dela, alderdi sozialista baita, horren hitzetan, "erantzunak eman dituen alderdi bakarra".
Bestalde, PSE-EEko Idazkaritzarako hautagai gehiago izango diren ez dakiela esan du Idoia Mendiak. Irailaren 5era arte abalak aurkezteko epea izango dutela gogoratu du eta, hortaz, tartea badagoela nabarmendu du. "Hala ere, ez dut pauso hori emateko borondatea duen inor ezagutzen", azpimarratu du.
Hemendik aurrera, erronkarik nagusiena "militanteen konfiantza" lortzea izango dela goraipatu du. "Horretan nago orain, eta iraila iritsi bitartean denekin izango naiz, alderdiari eta politikari buruz ditudan ideiak azaltzeko".
PSE-EEko idazkari nagusi aukeratzen badute, exekutiba murritzagoa sortuko du Mendiak, "operatiboak izateko laburragoa izan behar baita". Hala ere, ez du exekutiba berri horren kide kopururik aurreratu nahi izan.
Bestalde, Rajoyri Konstituzioaren erreforma martxan jartzea "berehala”"eskatu nahi diotela baieztatu du Mendiak. "Beste 30 urterako epe bat lortu nahi badugu, nahitaezkoa da garaiz eta lasaitasunez egitea. Pixka bat berandu gabiltza dagoeneko", esan du.
Bateragune auzia
Arnaldo Otegi espetxean mantentzeko Auzitegi Konstituzionalaren erabakiaz, hasieratik auzia ez dela "baketsua" izan adierazi du. "Ez hasierako auzia, ez epaia, ezta helegiteak ere", gaineratu du. "Egin zen momentuan, gizarteak ez zuen oso ondo ulertu, eta orain hori gehiago nabarmendu da".
Hala ere, Otegi kalean egon beharko litzatekeen galdetuta, Mendiak azpimarratu du horretarako "gizarteratze prozesua" hasita eduki beharko lukeela, "eta ez dakit Otegi eta gainontzekoen egoera hori den ala ez".
Autogobernua
Autogobernuari buruz, Urkulluren "presa" ez duela ulertzen adierazi du. "Klabe politikoan bakarrik ulertu dezaket; EAJ lehia batean dabil Bildurekin, eta lehendakariaren eskariak lehia horri erantzuten diola uste dut", azaldu du.
Legebiltzarrean autogobernua sakontzeko martxan den lantaldeari buruz, PSEk ez dituela "marko legalak" gaindituko berretsi du Mendiak. "Gure agertokia Katalunian dagoena izango bada, ez naiz horretan egongo", azpimarratu du.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.