Jordi Pujolek uko egin dio Kataluniako presidente ohiaren soldatari
Jordi Pujolek uko egin dio Kataluniako presidente ohiaren soldatari eta bulegoari, Artur Masek astearte honetan iragarri duenez.
Kataluniako presidenteak azaldu duenez, atzo bildu zen Pujolekin, eta biek adostu zuten, Pujolek berak proposatuta, pribilegioei uko egitea. Halaber, CDC eta CiUko ohorezko presidente karguei uko egingo die Jordi Pujolek.
Ostiralean ere elkartu ziren Mas eta Pujol eta, bertan adierazi zionez presidente ohiak ez zuen asmorik CDC eta CiUren batzarretara itzultzeko. Joan den ostiralen Jordi Pujol presidente ohiak onartu egin zuen hainbat kontua izan dituela atzerrian, 34 urtez.
Besteak beste, urtean 82.000 euroko biziarteko pentsioa kobratzen zuen Pujolek eta horri ere uko egingo dio aurrerantzean. Bartzelonako Gracia pasealekuan duen bulegoari, ibilgailu ofizialari eta idazkariei ere uko egingo die Kataluniako presidente ohiak.
Pujolek agerraldia egin beharko du Parlamentuan
Parlamentuko alderdi guztiek, CiUk izan ezik, Jordi Pujol Generalitateko presidente ohiak Kataluniako ganberan agerraldia egiteko eskaera sinatu dute, 34 urtez atzerrian kontuak izateari buruzko azalpenak emateko.
Atzo Pujolen agerraldia eskatu ala ez gaiari buruz ERC zalantzan baldin bazegoen ere, astearte honetan gainerako alderdiekin bat egiteko pausoa eman du, beraz, eskaera segurtasun osoz onartuko dute.
'Pena handiz'
Jordi Pujolek bizi duen egoera "pena handiz" ikusten duela onartu du Artur Masek. Hala ere, etorkizunean, "argiak eta ilunak balantza batean" jarri beharko direla adierazi du, "23 urteko presidentetza ezin delako egun batetik bestera ezabatu".
"Ekaitza hau amaitzean, une jakin batean, denboraren poderioz, bere ahuleziak ikusiko dira, baina baita bere aktibo handiak ere", esan du.
Etorkizunean, Jordi Pujol "beste herritar bat" besterik ez dela izango azpimarratu du.
Prozesua, oso-osorik
Pujolek bere karguei uko egitea ez duela prozesu independentistan eraginik izango azpimarratu du Artur Masek.
"Herria edozein pertsonaren gainetik dago, nahiz eta pertsona hura oso garrantzitsua izan. Ibilbide orria zehaztu eta pertsona askorik adostu dugu", nabarmendu du.
Pujolen egoerak piztu dituen erreakzioen artean, Josu Erkoreka Jaurlaritzako bozeramaileak ikerketa "amaieraraino" eramatea eta auzi hau Kataluniako prozesuarekin ez nahasteko eskatu du.
Horrez gain, Mariano Rajoy Espainiako presidenteak eta Artur Masek egingo duten bileran ere eraginik ez izatea espero du.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.