Podemos-Ahal Duguk gobernatzea du helburu Euskadiko sumindura ikusita
Podemos-Ahal Dugu alderdiak esan duenez, bere asmoa udalerrietan gobernatzea eta euskal erakundeetan egotea da, egungo kudeaketa publikoaren ondorioz haztena ari den "sumindura" ikusita, eta Euskadin antzeman duten ustelkeriaren ondorioz.
EFE albiste agentziak egindako elkarrizketa batean, Xabier Benito eta Neskutz Rodriguez bozeramaleek alderdi guztiekin hitz egiteko borondatea azaldu dute, baina ez dute balizko itunen inguruan ezer zehaztu, EH Bilduk akordioak egiteko prest dagoela helarazi eta gero.
Benitoren esanetan, Pablo Iglesiasek Estatu mailan gidatzen duen alderdiak ez du oraindik eerabaki Euskadiko udal eta foru hauteskundeetara aurkeztuko den.
"Ez dago erabakirik hartuta. Jende askok galdetu digu, baina ez da aurkeztuko garen erabakitzeko unea, baizik eta udalerriak eta auzioak ezagutzeko momentua da, pertsona gehiago zirkuluetara (debateak) erakartzeko", gaineratu du.
ETAko presoen sakabanaketarekin bukatzearen alde
Halere, Europako hauteskundeetara Podemos-Ahal Duguren zerrendako bederatzigarren postuan aurkeztu zen gizonak azpimarratu du helburuen artean gobernatzea dago.
Bestalde, alderdi guztien arteko elkarrizketaren eta ETAko presoen sakabanaketarekin bukatzearen alde agertu da, Euskadin bake prozesuak aurrera egin dezan.
Benitoren eta Rodriguezen hitzetan, ETAko presoek "giza eskubideak" dituzte, hori dela eta, ez liekete "salbuespen neurriak" aplikatu behar.
"Pertsona horiek egin zutena egin zuten, ados, zigorrak betetzen ari dira, baina hurbildu behar dituzte. Biktimen eskubideen aldea ere existitzen da. Dena nahasita dago, baina giza eskubideetaz ari gara", esan dute.
EH Bildu eta Podemos-Ahal Duguren disurtsoak
Juan Karlos Izagirre Donostiako alkateak ziurtatu du gaur berak ordezkatzen duen koalizioak dagoeneko hitz egin duela eta hitz egingo duela Podemos-Ahal Dugu alderdiko jendearekin, eta gaineratu du bi alderdien diskurtsoek gauza asko dituztela antzeko egiten dituztenak.
Ser irratiari eginiko adierazpenetan, Izagirrek adierazi du Podemos-Ahal Dugu Espainiarako “beharrezkoa” dela, herritarrek politikariekin daukaten suminduragatik.Gaineratu du Pablo Iglesiasen ordezkatzen duen alderdia “pizgarri onuragarria” izan dela.
Horrez gain, azaldu du Podemos-Ahal Duguren diskurtsoak eta EH Bildurenak bat egiten dutela gauza askotan, “politika beste era batera egin behar dela esaten hasten baita, eta baita erabakitzeko eskubidearen aldeko hautua egiten duelako”.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.