Pujol familiak kereila jarri du Andorrako bi banketxeren aurka
Pujol familiak kereila jarri du Andorrako bi banketxeren aurka, berez sekretuak diren banketxe-datuak kaleratzeagatik. Ekinbide horrekin, Justiziak kontu horietara sarbide izatea saihestu nahi dute.
Diari d’Andorraren arabera, Pujol familiak ondorengo idatziak aurkeztu ditu:sekretuak diren banketxe-datuak zabaltzeagatik kereila bat ezezaguna den pertsona baten aurka, eta errekurtso bat Ruzen erregu-komisioaren kontra. Komisio horretan, epaileak familiak Andorran dituen ondasunen inguruko informazioa eskatu du epaileak.
Agerraldia
PSOEk Cristobal Montoro Ogasun eta Administrazio Publikoko ministroaren agerraldia eskatu du Kongresuan, Pujol familiako kideren batek amnistia fiskalari heldu ote dion azaldu dezan.
Sozialistek argitu nahi dute ea Kataluniako presidente ohiaren senitartekoren batek erregularizazio fiskalari heldu ote dion, eta ea Zerga Agentziak diruaren jatorria zehazteko ikerketarik jarri ote duen abian.
Pedro Saura sozialisten Kongresuko Ogasun bozeramaileak prentsa ohar batean azaldu du alderdiak uste duela ez dela dirua nondik etorri den argitzeko ikerketarik abiatu. "Amnistia fiskalak iruzurgileekin akordioak egitea esan nahi du, erregulatutako kapitalen eta ondasunen jatorria ez ikertzeko".
PSOEk gogorarazi du "behin eta berriz" eskatu duela "amnistia fiskalari heldu dioten iruzurgileen datuen publikazioa". 30.000 inguru izan daitezke, sozialisten ustez.
Saurak adierazi du informazio hori "beharrezkoa" dela, "Espainiako demokraziako ondo jantzitako iruzurgileen zati handi batek" amnistiari heldu ziola uste baitu. Gainera, izen-abizenak argitaratzea "derrigorrezkoa" dela esan du, "bai gardentasunaren aldetik, baita gizartearen kontzientzia fiskala hobetzeko ere".
Sozialistek Montorori zuzendutako kasuaren inguruko galdera bat erregistratu zuten behe ganberan, eta haren agerraldia hilaren amaieran izan dadin nahi dute, hurrengo bileran.
Iruzurraren Aurkako Bulegoak Manos Limpias auzitara eramango du
Kataluniako Iruzurraren Aurkako Bulegoak (OAC) Manos Limpias sindikatuaren aurkako kereila jarriko du irainengatik. Izan ere, Miguel Bernad sindikatuko idazkari nagusiak atzo berretsi zuen OACk "beste aldera begiratu" zuela Jordi Pujol agintean egon zenean.
Daniel de Alfonso OACko zuzendariak gaur jakinarazi du sindikatu ultraeskuindarra auzitara eramango dutela, akusazioak bertan behera utzi ez dituztela egiaztatu ostean.
Jose Maria Fuster-Fabra abokatuak osatuko du irainengatik kereila, eta iraileko lehen eta bigarren hamabostaldiaren artean aurkeztuko da. De Alfonsoren ustez, sindikatuak delituak atzemateari uko egiteko delitua leporatu dio Bulegoari.
Zuzendariak OACren lana defendatu du, eta Hotel del Palau kasua auzitara eraman zuela eta zenbait ustelkeria politiko kasu (Torredembarra, GISA eta Pretoria, esaterako) argitu dituela azpimarratu du.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.