Erkoreka: 'Ate bat ireki da EBn estaturik gabeko nazioentzat'
Josu Erkoreka Eusko Jaurlaritzaren bozeramaileak esan du Eskoziako erreferendumak "ateak ireki" dizkiela Europar Batasunean dauden "estaturik gabeko nazioei, autogobernu anbizioetan aurrera egiteko testuinguru aske eta demokratiko batean".
Jaurlaritzaren bozeramailearen arabera, atzoko bozketak agerian utzi du erabakitzeko eskubidea "errealitate bat" dela Europar Batasunean.
Horregatik, "zorionak" eman dizkie Eskoziaren independentziaren alde eta kontra daudenei, "garrantzitsuena ez baita ezezkoaren nagusitasuna, eskoziarrek Europar Batasunaren baitan euren etorkizunari buruzko erabakia erreferendumean, askatasun osoz eta demokratikoki hartu ahal izan dutela baizik".
Gainera, Erkorekak goraipatu du "normaltasun osoz" izan zela bai bozketa bai kanpaina, "irainak eta indarkeria erabat bazterrean utzita".
Jaurlaritzaren bozeramailearen ustez, atzokoan "demokraziaren eredua ikusi genuen. Demokraziaren eredua izan zen Erresuma Batuak Eskoziaren etorkizunari buruzko erabakia eskoziarrei dagokiela adostu zuenean. Erreginak berak ere aitortu zuen erabakia eskoziarrena zela eta errespetuz hartu behar zela".
Bestalde, argi adierazi nahi izan du erabakitzeko eskubidea ez dela "lekuan lekuko nazionalisten edo abertzaleen aldarrikapena soilik, baizik eta printzipio demokratikoa bere burua eta bere jarduna demokratikotzat duen ororentzat".
Eskozia-Euskadi lotura
Gainera, Erkorekak "Eskoziaren eta Euskadiren artean dagoen lotura" azpimarratu du, "berezko aliatuak" direla, "biak baikara estaturik gabeko nazioak Europar Batasunean". Era berean, bien artean "interes ekonomiko gurutzatuak" daudela azaldu du, Iberdrolari erreferentzia eginez.
"Politika sozial aurrerakoien aldeko apustuan ere" bat egiten dutela goraipatu du, eta datozen asteotan osasun alorrean elkarlanerako ituna sinatuko dutela.
Europan herri batek bere etorkizuna erabakitzea posible izatea nabarmendu du Urkulluk
Bestalde, Iñigo Urkullu lehendakariak “XXI. mendeko Europan Estaturik gabeko nazio batek askatasunez negoziazioari eta akordioari esker” etorkizuna erabaki duela nabarmendu du.
Erresuma Batuak “hasiera batean autogobernua errefusatu” arren, “negoziazioari eta akordioari esker, posible dela ikusi da Eskoziak askatasunez etorkizun politikoa erabakitzea, herritarrek politikarenganako interesik ez duten uneotan”, adierazi du.
Lehendakariak azpimarratu duenez, “Europar Batasuneko historian lehenengo aldiz” Estaturik gabeko nazio batek, Europar Batasuneko kide den herrialde baten barruan, “etorkizuna erabaki ahal izan du”.
Erreferenduma eta “aurrekaririk gabeko partaidetza masiboa politikaren legitimazio jarduera bat” izan dira, lehendakariaren ustez.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.