PSE-EE 'berrasmatzeko' eta 'indartzeko' nahia agertu du Idoia Mendiak
Idoia Mendia PSE-EEren idazkari nagusia alderdia berrasmatzearen alde agertu da, "Euskadi hobea" lortu nahi duten progresista guztien erreferente bihurtu dadin.
Euskadiko Alderdi Sozialistari "bultzada" berri bat eman nahi dio, "indartsuagoa, batuagoa eta erabilgarriagoa" egiteko. "Herritarrekiko lotura berreskuratu behar dugu, berriz ere alderdi barruan amets egiteko gaitasuna sortzeko eta amets horiek lortzeko borrokatzeko", adierazi du. Ildo horretatik, berrasmatzeko eta euskal herritarren arazoez hitz egiteko deia egin du. "Euskadi hobean sinesten duten herritar progresisten erreferente bihurtu behar dugu", gaineratu du.
Aurretik idazkari nagusi karguan egon direnak gogoan izan ditu eta bere alderdiaz "harro" dagoela aldarrikatu du "herri honen lorpen handietan protagonista" izan delako. Halaber, garai zailenetan ere sozialistek eutsi eta aurrera egin dutela azpimarratu du.
PSE-EEko buruzagi berriak Patxi Lopez gogoan izan du, eta "askoren etsipenerako" bakea ekarri zuen lehendakari gisa gogoratuko dutela adierazi du.
Idazkari nagusi moduan berretsia izan ostean, erronka handia dela onartu du, baina gogoz dagoela. Kargu berrian, lana eta dedikazioa agindu ditu, eta alderdikide guztiei lana eta lankidetza eskatu die.
Idoia Mendia PSE-EEren idazkari nagusi izendatu dute Euskadiko Alderdi Sozialista asteburuan Bilbon egiten ari den ezohiko kongresuan. Etika batzordeak hauteskunde primarioetako bozketen akta irakurri ondoren hartu du Idoia Mendiak Patxi Lopezen lekukoa.
Akta horren arabera, PSE-EEren hauteskunde primarioetan 3.745 militantek parte hartu zuten (% 70), eta horietatik 3.209k Idoia Mendiaren alde bozkatu zuten (% 85,69). Halaber, 523 boto zuri (% 13,97) eta 13 boto baliogabe izan ziren.
Zuzendaritza talde berria
Idoia Mendiak PSE-EE zuzendaritza berrirako proposamena egin du, eta igandean onartu beharko du ezohiko kongresuak. Mendiak Miguel Angel Moralesi eman nahi dio Antolakuntza idazkaritza, eta Politika Instituzionala, berriz, Begoña Gili.
Halaber, Mendiak bere zuzendaritza taldean izan nahi ditu: Rafaela Romero, Elena Perez, Alberto Alonso, Pilar Rios, Enrique Ramos, Javier Lasarte, Mikel Cabieces, Vicente Reyes, Natalia Rojo, Denis Itxaso, Blanca Roncal eta Jesus Losada.
Zuzendaritza berriak aurrekoak baino 7 kide gutxiago izango ditu, 15 kide guztira, eta horietatik 10 berriak dira.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.