Pujolen aurka salaketa aurkeztu dute PSOEk eta Ciutadansek
Jordi Pujol Generalitateko presidente ohiaren aurkako salaketa aurkeztu du PSOEk Estatuko Fiskaltza Nagusiaren aurrean. Kataluniako Gobernuan eman zituen urteetan ogasunari iruzur egin eta kapitalak zuritu izana leporatzen diote sozialistek.
Pujolek iragan ostiralean Kataluniako Parlamentuan agerraldia egin eta gero, salaketa aurkeztu du PSOEk.
"Nahiz eta Pujolen ibilbidean delituaren zantzuak izan, Ministerio Fiskalak legezkotasuna eta interes publikoa defendatzeko ekimenik ez du martxan jarri", azaldu du PSOEk testuan. Horregatik, salaketa aurkeztea erabaki dute.
Presidente ohiaren familiak iragan uztailean Andorrako banku batean 3,4 milioi euro sartu zituela zioten informazioak jaso ditu zortzi orrialdeko agirian, baita Jordi Pujolen adierazpenak ere, Ogasunari iruzur egin diola aitortu baitzuen. Halaber, Cristobal Montoro Ogasun ministroak Kongresuan egindako agerraldia ere aipatu dute salaketan.
Pujol 23 urtez Generalitateko presidente izan zela nabarmendu dute bertan. Ondorioz, iruzurrak "gutxienez 30 urteko iraupena" izan duela uste du PSOEk.
Albert Rivera Ciutadanseko buruzagia. Argazkia: EFE
Ciutadans
Era berean, Pujolen kontrako salaketa aurkeztu du Albert Rivera Ciutadanseko buruzagiak Kataluniako Justizia Auzitegi Nagusiko Fiskaltzaren aurrean. "Ustelkeria politikoaren zantzuak ikusita, haritik tira" egiteko eskatu dio Riverak Fiskaltzari.
"Erantzunik aurkitu ez dugula ikusita, salaketa hau aurkeztu dugu Fiskaltzan, ustelkeria politikoaren zantzuak bistakoak direlako, eta ez bakarrik Pujol jaunak diputatuei azaldutako herentzia eta ipuinak", azaldu du.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.