Iparraldeko alderdi guztiek ETArekin hitz egiteko eskatu diote Parisi
Ipar Euskal Herriko alderdi politiko guztien ordezkariek dokumentu bat sinatu dute gaur, Elkarrizketarako Taldearen (Brian Currin, Paul Rios…) bitartekaritzarekin, Frantziako Gobernuari Euskal Herriko bake prozesuan inplika dadin eskatzeko.
Baionan publiko egin berri duten akordioaren sinatzaileen artean daude, besteak beste, Jean-Rene Etchegaray Baionako alkatea (alderdi zentrista), Kotte Ecenarro Hendaiako alkate eta Pirinio Atlantikoetako Kontseilu Orokorreko presidenteordea Alderdi Sozialista), Max Brisson Pirinio Atlantikoetako Kontseilu Nagusiko kide, Biarritzeko zinegotzi eta UMPren idazkaria, Frederique Espagnac senataria (Alderdi Sozialista), Jean-Jacques Lasserre senatari, Pirinio Atlantikoetako Kontseilu Nagusiko kide eta Ipar Euskal Herriko Hautetsien Kontseiluko presidentea (alderdi zentrista) eta Xabi Larralde Sorturen burua Ipar Euskal Herrian.
Dokumentuak Aieteko adierazpenari egiten dio erreferentzia, eta bake prozesuari bultzada emateko ekarpen gisa aurkeztu dute, Ipar Euskal Herriko "gizartean adostasun zabala" izan dezaketen proposamenekin.
Hori horrela, Lapurdi, Behe Nafarroa eta Zuberoako agintari politikoek bake prozesuan inplikatzeko eskatu diote Frantziako Gobernuari. "Hasieran, eta elkarrizketak aurrera egin dezan, isilpean egin beharko lirateke elkarrizketak. Aurrerapauso handiak egiaztatzen direnean, ordea, publiko egin hala izango lirateke", gaineratu dute.
Presoak
Dokumentuan, hainbat puntu proposatu dituzte, aldebiko elkarrizketa horietan jorratzeko. Egungo ordenamendu juridikoa eta Giza Eskubideak errespetatuko lituzketen gaiak dira horiek: presoen Euskal Herriratzea, gaixorik dauden presoen askatasuna, eta kartzela onurak.
"ETAko militanteen kontrako prozesu juridiko eta polizialak bertan behera" uztea, eta "azken neurri gisa, euskal gatazkarekin lotutako gai guztietarako amnistia lege bat sortzea" proposatu dute. Horretarako, ordea, adostasun politiko zabala eta ordenamendu juridikoa egokitu beharko liratekeela onartu dute.
Desarmatzeari buruz, Parisen eta ETAren arteko akordioa proposatu dute, "desarmatzea eta ETAk Frantzian dituen azpiegiturak desegiteko prozesua eta baldintzak praktikan jartzeko eta zehazteko".
Gatazkaren eta adiskidetzearen alorrean, "Egiaren eta adiskidetzearen" batzordea eratzearen alde agertu dira, biktima guztien errekonozimendua lortzeko, eta konponketarako moduak zehazteko.
Azkenik, dokumentuaren sinatzaileek "estatus partikularreko lurralde elkargoa" eskatu dute Ipar Euskal Herriarentzat, horrek "bake iraunkorra lortzeko" asko lagunduko lukeelakoan.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.