EAJk, EH Bilduk eta PSEk planto egin diote Marotoren eztabaidari
EAJ, EH Bildu eta PSE-EE alderdiek planto egin diote gaur Eusko Legebiltzarrean Euskadiko Alderdi Popularrari (PP), eta Javier Maroto legebiltzarkide popularrak diru-sarrerak bermatzeko errentari buruz bultzatutako eztabaidan parte hartzeari uko egin diote.
Hala, Javier Maroto Gasteizko alkate eta PPko legebiltzarkideak eta Gorka Maneiro UPyDko legebiltzarkideek soilik parte hartu dute gaurko eztabaidan.
Marotok azaldu duenez, PPk gizarte babeserako egungo sistema babesten du, baina gainerako alderdiei "begietan benda" izatea eta "iruzur eta abusu" kasuak izatea ukatzea egotzi die. Hori dela eta, egungo legedian "aldaketa sakona" bultzatzeko beharra azpimarratu du, laguntzak "benetan behar dituzten horiengana" irits daitezen.
Gasteizko alkateak gizarte laguntzak defendatu ditu, baina abusuen kontra dagoela azpimarratu du "abusuak egiten dituena edonor izanda ere, baita zortzi abizen euskaldunak dituena bada ere". Halaber, "lan egitera eta integratzera datozen" atzerritarrei bere babes osoa eskaini die.
Azkenik, laguntza sozialen arloan Eskandinaviako herrialdeetan duten eredua hizpide izan du. Bertan, legezko bizilekua eta ohikoa izatea eskatzen zaie diru-laguntza horiek jaso dituztenei, eta PPk egin nahi dituen aldaketen "laburpen" izan daitekeela azpimarratu du.
Eztabaidaren erdian, Bakartxo Tejeria Eusko Legebiltzarreko presidenteak Igor Lopez de Munain EH Bilduko legebiltzarkidea kanporatu du Gasteizko alkateari "lotsagabe" deitzeagatik eta esandakoa erretiratzeari uko egiteagatik.
Legebiltzarreko saioaren ondotik, elkarrekin agerraldia egin dute Amaia Arregi EAJko, Eva Blanco EH Bilduko eta Bixen Itxaso PSE-EEko legebiltzarkideek. "Trukatu, faltsu, xenofobo eta solidario ez" den eztabaidan ez parte hartzea erabaki dutela adierazi dute PPren jarreraren "guztiz kontrakoa" dutela nabarmentzeko. "Nahikoa da esateko eta PPren kanpaina bidegabe, arduragabe eta ez solidario horren aurrean planto egiteko garaia iritsi da", gaineratu dute.
Egungo sistema ez dela perfektua eta iruzurrak saihesteko hobekuntzak egin behar direla onartu ostean, kolektibo oso bat estigmatizatzea ez dutela onartuko azpimarratu dute, "bidegabekeria eta arduragabekeria" litzatekeelako. Halaber, PPk egiten diren beste hainbat iruzurren berri izanagatik ere, horiek ez dituela salatzen gaineratu dute, iruzur fiskala kasu.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.