'Ezberdinen arteko itunak soilik ekidingo du identitateen talka'
Jose Antonio Ardanza lehendakariaren iritziz, Euskadiko gatazka politikoaren konponbidea "ezberdinen arteko itun" baten bidez iritsiko da, izan ere, hori da haren ustez euskal eta espainiar identitateen arteko "talka" eragozteko modu bakarra. Gainera, legeak eta Konstituzioa inposatzen badira ere, ez dutela lortuko Euskadi beren aberritzat eta naziotzat dutenek horri uko egitea ohartarazi du.
Ardantzak Eusko Legebiltzarreko Autogobernuari buruzko lantaldean agerraldia egin du gaur. Ardantzaren aburuz, ETAk jarduera armatua behin betiko amaitu ostean, "elkarbizitza akordio berri bat" lortzeko atea zabaldu da.
Lehendakariaren esanetan, itun horrek ez du "gehiengoen jokoan" oinarritu behar. "Euskal gehiengoak erabakitzen al du euskal gutxiengoaz?, Konstituzioak erabakiko al du, burujabetza Espainiako herriari dagokiola argudiatuta?", galdegin du.
Ardanzaren iritziz, "Euskal Herriari dagokio burujabetza, eta, beraz, ezin zaio eskatu berea ez den burujabetza bat inposatzen dela onartzea". Hori dela eta, irtenbidea "ezberdinen arteko ituna" gauzatzetik etorriko dela azaldu du.
Azpimarratu duenez, euskal gizarte "konplexuan" bizikidetza bermatzeko modu bakarra ezberdinen arteko ituna lortzea da. "Itunik gabe ez dago konponbiderik", ohartarazi du. Ildo horretan, Euskadin bi sentimendu ezberdin daudela nabarmendu du: "batzuentzat Euskadi da beren aberria eta nazioa, eta beste batzuentzat, berriz, Espainia da erreferentzia". Lehendakariaren iritziz, zaila da dualtasun horri konponbidea ematea; izan ere, legeak eta Konstituzioa inposatzen badira ere, ez dute lortuko Euskadi beren aberritzat eta naziotzat dutenek horri uko egitea.
Zure interesekoa izan daiteke
Sanchezek nabarmendu du "pentsioak bai ala bai igoko" direla, "PPren babesarekin edo babesik gabe"
Exekutiboak gaur arratsaldean ekingo die berriro talde parlamentarioekin elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".