Rajoy: 'Sakabanaketarekin mesede egiten diegu presoei'
Mariano Rajoy Espainiako Gobernuko presidenteak ETAko presoen sakabanaketaren alde egin du, eta neurri horrekin presoei eurei "mesede handi bat" egiten dietela gaineratu du.
"Terrorismoaz ari gara hitz egiten, eta preso horiei ezartzen zaien espetxe politika gainerakoei ezartzen zaien berbera da, ezin da salbuespenik egin", esan du Rajoyk, Senatuko kontrol saioan, Jokin Bildarratz EAJko senatariaren galdera bati erantzunda.
Rajoyren esanetan, ETAko presoek gizarteratu bahi badute, erakundearekin lotura hautsi, barkamena eskatu, indarkeria gaitzetsi eta agintariekin kolaboratu behar dute. "Hori da gizarteratzea, hori da helburua", gaineratu du.
Are gehiago, Espainiako gobernuburuaren ustez, "sakabanaketa funtsezkoa da gizarteratzea lortzeko, errazagoa baita krimenak errefusatzea ETAren diziplina mantentzearen alde dauden presoek hori galarazten ez badute". "Presoak bananduta badaude, mesede bat egiten diegu; sakabanaketa ona da gizarteratzearentzat", adierazi du.
Bestalde, Rajoyk ukatu egin du bere Gobernuak Langraiz Bideko presoak alboratu izana, eta egun bide horretan 14 preso daudela zehaztu du: "Denek espetxe onuraren bat dute; ETArekin harremana hautsi, indarkeria gaitzetsi, barkamena eskatu eta Justiziarekin kolaboratu dute".
Aldez aurretik, Bildarratzek sakabanaketa amaitzearen alde egin zuen: "Duela hiru urte, ETAk jarduera armatua bukatu zuen; sakabanaketari amaiera emateko unea heldu da".
Senatari jeltzaleak ETA desegin egin behar dela nabarmendu du, baina legea betetzeko deia egin du. "ETAren indarkeria garai zailenetan ere, Aznarren eta Mayor Orejaren garaietan ere, gizarteratze politikak egon dira", gogorarazi du.
"Nazkagarriak"
Rajoyren adierazpenak "nazkagarriak" direla kritikatu du Amaiurrek agiri batean.
"Espainiako Gobernuak euskal presoei aplikatzen dien espetxe politikak eta sakabanaketak oinarrizko eskubideak urratzen dituzte eta eskubide horiek inolako baldintzarik gabe errespetatu behar dira", salatu du Amaiurrek. Nazioarteko erakundeek Exekutiboari "behin eta berriro" gogorarazi diotela erantsi du koalizio abertzaleak.
Kataluniako kontsulta
A-9ko kontsulta ere hizpide hartu du Rajoyk, eta Fiskaltzari Artur Masen aurkako kereila jartzea agindu izana ukatu du. "Ministerio Publikoak independentzia osoz jokatu du", esan du.
Gainera, politika ezin daitekeela "legea betetzearen alternatiba" izan ohartarazi dio Generalitateko presidenteari.
Saioan, CiUko senatariek kartelak erakutsi dizkiote Rajoyri, A9ko parte-hartze prozesuaren harira euren burua erruduntzat jotzeko.
EFE
EFE
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.